【唔止平咁簡單】性價比爆燈小米藍芽耳機Air2 | |
我有懷疑到底小米的發源地係咪美國呢？但情報顯示小米產品最先係中國設計推出，係自家人工合成高科技產物，而且仲好很高性價比，如果大家係一個講「性價比」的男人，即無論咩野只要平靚正就係你選擇，咁耳機你一定選擇小米全新藍芽耳機Air2，呢隻新機咩都唔駛講定價港幣469元，有齊所有2400元耳機的功能外貌設計，仲支援Google 助理！人可以有骨氣，但定價來講某程度上小米的才是「正氣」。如果我而家要買一個藍芽耳機，其實469蚊的小米Air2真係好大引誘，尤其如果你咁不幸又走去試，其實造型設計同外國大型白色品牌好像相差無幾，咁當然有好多其他原因去考慮是否選用一個好的品牌，單用以貨論貨去睇，小米第二代Air相比第一代就已經贏左好多，Air2採用半入耳式設計更加fit耳仔，配戴感更舒適，支援 Google 助理更加係有點意外，仲以為佢只識講「吳儂軟語」。不過同一代一樣佢內置都仲有個「小愛同學」語音助理比你選擇。 小米Air2耳機內置ENC雙麥克風降噪技術有效降低通話時的環境噪音，保持清晰的語音識別以及通話質量。即係話幾舊水就買到一隻降噪耳機。耳機單次續航由1代的3小時提升到4小時,整體續行由10小時提升到14小時。耳機採用14.2mm單元大喇叭以及大複合振膜動圈，聽感更細膩，細節更豐富。小米的應用程式係國際大廠級數，非常好用，簡單清晰易明。 重要的事可以講超過三次，小米藍牙耳機Air2售價為港幣469元。買唔買是閣下選擇，但我要你知道世界有呢個級數的產品賣呢個價錢，我期望物價可以調整調整，未來會有其他廠做到呢個價，平就是皇道。 | |
來源 source: http://menclub.hk
|
鍾意就快D Share啦！
|
|
|
