GroupChat不能犯的8宗罪！
打開電話，幾乎人人都有九萬幾個chat group，用嚟約飯局係幾方便，但係有無發覺，只要一講多咗
例如用嚟開會、傾嘢、做決策，或者長篇大論發表偉論，就好易出事？其實用呢啲群組group chat係有箇中禮儀嘅，
一用錯咗，就乜都有可能發生架喇
第1宗罪：用嚟傾嚴肅嘢
大家一齊坐低面對面開會傾嘢嘅效用，係難以用groupchat嚟代替嘅，group chat只可以用嚟輔助，如果唔係，
喺個group裏面又唔係個個同時參與討論，就好容易有人會傾到牛頭唔搭馬嘴，產生不必要嘅誤會。
第2宗罪：轉發無謂嘢／危言聳聽嘅料.
唔好轉發啲「睇咗唔傳俾10個人就會行衰運」嘅無謂嘢出嚟！而嗰啲「咩咩咩已經殺到嚟香港」嘅傳聞，
要自己查證咗先發出去，無謂引起不必要嘅恐慌。
第3宗罪：加入太多人
盡量將人數keep喺容易溝通嘅數目，你諗嚇如果個group有成30人，一人應一句「好」或「唔好」，已經即刻洗咗版，電視，軟體，遊戲，電影，動漫及日常生活及興趣交流等資訊。
啲唔係成日得閒睇message嘅人，會搞到好亂！
第4宗罪：濫用Voice Message
呢啲群組之所以受歡迎，好大部分係因為唔使用口講，如果下下send voice message，人哋又要搵個有隱私／靜啲嘅地方去聽，
想翻睇舊嘅message又要下下聽返，就失去咗嗰份「浪漫」架喇。
第5宗罪：長篇大論
可能有啲人文採好好，隨時洋洋灑灑寫幾百字出嚟好easy，但係睇嘅人可能會睇得好辛苦，你一個幾百字嘅message已經洗哂全世界版，T
如果再加多一兩個咁鍾意寫嘢嘅朋友就真係……唉！
第6宗罪：夜媽媽send出嚟
如果你唔會半夜4點打電話俾人，咁就唔好喺呢啲時段send message出嚟，除非係啲十萬火急嘅事。
第7宗罪：亂搭嘴
假如個人表達能力較差，都係做個觀察者好啲，如果懶得意乜都搭嘴，會影響大圍講嘢個flow，令人反眼兼唔知點接落去好。
第8宗罪：淨係同其中一個人講嘢T
有啲人好似忘記咗個群組仲有其他人，只顧同某一個人講某啲嘢，咁樣會搞到其他「唔關事」嘅人好無奈，奇怪你哋點解唔私底下傾？
|
鍾意就快D Share啦！
|
|
|
