同層隔離公司黎左個新女仔, 岩岩畢業18歲左右, 都幾靚, 對識得既人幾熱情, 陌生人就好cool
我平時都有同開佢公司啲人打下招呼傾幾句
咁頭頭搭lift見到佢時, 出於禮貌諗住搵位打招呼, 做少少細微動作, 見佢扮睇唔到就無再試
到早2,3星期, 佢啲同事同我講話個女仔覺得我行為好怪, 有啲怕我
我心諗, 打算點頭講早晨都怪? 呢啲唔係基本禮貌黎咩?
咁我明人人準則唔同, 可能佢覺得呢啲叫陌生人撩佢傾計啦
但係成件事我覺得幾反感, 講到好似我對佢做左啲咩咁, 加下我除褲露jj咩
最憎無段段俾人中傷, 之後梗係避開佢
例如, 可以同lift都係要等下部, 見佢響間餐廳食緊就叫其他同事去第二間, 搭車排隊見佢排就改搭第二條線
諗住咁樣好啲唔洗煩啦, 點知仲衰
早幾日佢啲同事無段段質問我對個小妹妹做左啲乜, 搞到一有人提起我, 佢就好睏擾咁
但我真係無, 我要收起曬笑容認真講咩都無, 佢啲同事先信我
經過呢2件事, 對佢由反感去到討厭
點知尋日收工唔好彩響lift遇到佢, 我全程玩手機無理佢, 到出lift時望到個女仔對眼紅曬想喊咁, 好似好委屈咁
頂~我仲委屈啦, 我都無點, 佢反而咁. 導演~佢做咩者
其實呢啲岩岩出黎做野既女仔諗咩架
佢啲行為令我覺得佢份人好矛盾
即如果覺得我係怪人既, 我避佢, 佢應該覺得解決左個問題, 開心先係
如果係想認識既, 佢又唔應該週圍同人講覺得我行為怪, 同有幾怕我
原本我係好樂意識多個朋友, 加下好似一識人就係想追人, 而且仲要証明係幾有誠意咁, 唔係呃細路女
理佢又唔係, 唔理佢又怪怪地, 撞口撞面有啲困擾
來源 source: http://ww.circle01.com
|
鍾意就快D Share啦！
|
|
|
