話說我星期六去坑口果頭同一堆朋友聚會，得我一個人住大埔，已經有預時間走，但中間轉車等車時間令到我無法趕東鐵尾班車，一般都係旺角轉小巴，但check Citymapper發現觀塘/鑽石山都有小巴，就打算試試。。。
我跟map去左鑽石山B出口等小巴，個巴士站對住地鐵站，12點左右人影都無隻，周圍又圍曬板，我真係等到好驚，偶爾都有一兩個人等其他巴士，叫做有人陪下，但到最後又得反我一個，我等下等下竟然等左一個鐘，決定要book uber
Uber司機本身唔想黎佢話果個位佢唔可以上下客，但我話唔熟路，一個人好驚，"矮"佢佢就話「好喇 過緊黎幾分鐘到」
我心算定少少，就正正司機到之前，忽然有架大貨車停我面前，我眼一望係三個南亞裔男人一齊望實我，我估計我當時表情係...，然後我下意識立即飛奔跑入去港鐵站，當時正關緊"習"門既職完係俾我嚇到彈起左，我反應果一下個南亞人正要開門，講真我唔知到底係佢地係只係做野？定係真係有企圖想搶野什至挾我走。。。
佢地見我入左站口有職員係到就開車走左
真係好驚，好彩我就算唔睇報紙電視都睇開蘋果動，知道治安麻麻，我慶幸我有危機意識，無論估錯定真都好，等到有事發生先走就太遲。。。
我事後到依家都仲好驚，有打去報案室但唔受理，madam話係因為無實質罪案發生，而且特別係怕涉及種族歧視，要有實質證據先可以立案，但講真我覺得人係有第六感有危機意識，我真係覺得我無逃跑錯，真係等到佢地「出手」我已經無得自救，我唔識形容但真係好可疑好恐怖，但madam又點出另一點，如果車上係本地人我可能未必會跑。。。我唔知。。。媽呀我好亂。。。
但女士要有警覺性！我之前屋企人成日叫我小心唔好出夜街我都唔理，依家我信，夜晚最好有人陪，一係就唔好省果少少錢搭的士，真係一個人都避免玩電話同聽歌先可以一眼關七！
來源 source: http://ww.circle01.com
|
鍾意就快D Share啦！
|
|
|
