我好愛我男朋友， 我地就兩年, 但係因為一樣野我地都已經嘈過幾次交.
佢咩都好，但真係非常孤寒!!
本來我媽本身都好鐘意佢，睇得出佢好愛我，但後黎我同媽咪講佢唔買野比我後，媽咪即刻唔係咁鐘意，話拍拖已經咁，咁第時結左婚豆都冇得你食
我地拍左兩年拖，基本上咩貴禮物都冇買過d比我，我之前話想買個3,4百蚊眼鏡, 佢話唔買，我副眼鏡帶左六七年=_= 其實一直好想佢送個幾百蚊唔過千高貴d既袋比我, 佢只會話貴，然後轉話題
佢自己媽都驚佢會刻薄我=___=
其實講到最傷心係我地慶祝一年，我一直明示想要情侶介指, 佢就想左對值八百蚊左右既情侶介指, 但佢比錢個刻好係割左佢忽肉咁既樣.......有時我真係會好氣餒咪我係咪咁唔值得佢使錢係我身上?? TT
我睇到佢真係唔用錢, 佢公司係供食既，所以佢唔使ot都會食埋飯先走，衫著黎著去個幾件，去旅行又話曬錢，不過佢間唔中請我食飯，同買件幾廿蚊野比我就已經覺得係對我好好
佢話佢儲錢既原因係想第時搞自已生意同投資
我覺得儲錢係好岩，我自已都儲一半以上人工，但佢係想將絕大部錢都儲起，咁我就覺得只係儲都但唔用，咁人生有咩樂趣？
最後重申一次，佢冇缺點咁滯，係非常姑寒
我有時都諗有邊個會冇缺點，但係如果結左婚真係咩都要用錢，咁到時日日嘈??所以我真係唔知應該點做
補充: 搵16500一個月，佢做左野將近半年，之前係半供讀碩士
之前睇過有網友打既一句句子我非常認同深刻，佢話：一個搵一百蚊但只肯用十蚊係你身上，同一個搵十蚊但會肯用七,八蚊係你身上既男友，個位網友話佢絕對揀後者。我唔介意我男朋友搵多定少，但我介意係佢唔肯用錢係我看身上
來源 source: http://ww.circle01.com
|
鍾意就快D Share啦！
|
|
|
