純發泄。。。開新AC講~~真係有啲唔開心，話我bitch個fr叫阿A , 識咗幾年。
尋日同佢食飯，佢話我哋另一個fr阿B下年結婚，遲啲會派帖畀我哋。
我聽完真係O曬嘴，阿B條仔個樣好似阿Bob, 冇錯！係光頭阿Bob, 勁肉酸！重要佢冇阿Bob 咁有錢，只係一個水電工(我都唔知水定電，定兩樣都係), 呢啲真係唔知佢搵到幾多錢，有冇一萬銀呢？
之前聚會見過阿B, 都聽過佢話plan結婚，估唔到佢係認真！阿B當時重好自豪話將來屋企有咩壞可以搵條仔整，慳唔少。。。我心諗佢真係痴線架，整呢啲花得幾多錢丫，不如搵條有錢啲嘅好過
而且我都唔明佢自豪啲乜，老公係水電工喎，咁低下嘅職業有咩值得自豪，到擺酒嗰日都唔慌會有幾大場面啦，著起龍袍唔似太子，唔明佢做咩要擺酒出醜人前？
我同阿A講我嘅睇法，同埋講明唔打算去飲啦，我唔想親眼見個fr行呢條黑路，真係好心酸，因為阿b都幾靚女架，大家都係女人，真係覺得佢好傻！點知講完，阿A無啦啦話：其實你都幾bitch, 你講呢啲嘢好難聽。
嗰下真係呆咗，最慘我口才唔夠阿a好，又拗佢唔掂！喂，我係當阿B係fr, 先講呢啲啫，唔當佢係fr嘅，佢嫁咩垃圾都唔關我事如果講忠言，有惻隱之心都叫bitch, 咁我認囉！我係bitch都好過啲人望住個fr嫁垃圾重笑笑口去飲，諗起都心寒！0
來源 source: http://ww.circle01.com
|
鍾意就快D Share啦！
|
|
|
