一百五十一隻小精靈唔知大家捉咗幾多隻呢？我聽到唔少朋友捉咗100款以上，限定怪又未有得捉，有巴打已經對《Pokemon Go》興趣慢慢減退。咁唔知如果比你捉埋金銀版小精靈你又點睇先？網上就流出咗下一次《Pokemon Go》更新要點，今次立即同大家搶先睇！
１》繁殖系統
金銀版比紅藍綠黃版最大進步當然係繁殖！今次更新後每一款小精靈都會隨機分配性別，當兩隻同款小精靈同時放入背包，佢地就會隨機「喜歡」對方，隨後就會生出小精靈蛋！新一代小精靈會比父母有更佳能力，要突然原有小精靈能力上限完全無難度！
２》嬰兒系統
新圖監更新後，會出現更多「嬰兒」系列小精靈。金銀版中比初代版本出現更多進化分支，透過全新「嬰兒系統」，玩家可以選擇進化路線，得到更多以往從未遇過又或者捉極都捉唔到嘅小精靈！
３》進化系統
除咗「嬰兒系統」，仲有一個新進化系統。部份初代小精靈去到金銀版都有進化版出現，今次更新入面亦會被重現！不過要進化都唔係易事，除咗要收集夠Candy之外，更需要配合進化素材，進化素材將會喺遊戲中唔同Pokestop出現。睇黎如果你想要強勁嘅新世代小精靈，大家都要努力行多幾步喇！
４》新御三家
去到新世代，當然唔少得金銀版御三家- 菊草葉、火球鼠、小鋸鱷。今次呢三隻菊草葉、火球鼠、小鋸鱷都會加入遊戲入面！要拎到佢地其實唔難，只要你進化到一隻新嘅金銀版小精靈，又或者生咗一款嬰兒系小精靈就OK架喇！
新更新係唔係好吸引呢？要玩到其實唔難！下世就得架喇！（？）
－－－－以上內容全部虛構，如有雷同，只屬好運－－－－
睇完大家可能覺得好興奮，可惜呢幾張圖片其實都係Fans 自製圖片，唔少日本同外國網友都以為係官方野，仲不斷share。官方就澄清咗全部都係假野，不過今次事件中都睇到玩家們心意，希望往後更新版本有5成似呢個「流出版」相信大家都心滿意足架喇
|
鍾意就快D Share啦！
|
|
|
