自認「人渣」的周永恆（Roy）今年初搭上34D跳唱組合O.M.G. 成員黃芊詠（Cherie），本刊早前已爆出二人曾互相推撞兼嗌分手，但火速和好，當時Cherie亦向本刊承認：「畢竟一齊住，生活上細節會有拗撬，我哋成日嗌分手，轉頭又冇事。」話口未完，火爆的二人近日再嗌分手，本刊收到兩人於週二（24日）凌晨二時多的WhatsApp對話，當時周永恆說：「我無食冰，X很多地方合法的。」又辱罵女友是「出賣XX的少女」、「唔小心食到明星的X」。而心灰意冷的Cherie則指Roy的每句說話令二人「感情去到盡頭」，更說：「您好嘔（噁）心。」
周永恆近來出親活動都同女友黃芊詠孖公仔，狀甚甜蜜，不過人後就曾被影到兩人當街疑似動粗兼嘈交，情侶有拗撬確實好平常，但嬲起上嚟都要注意言詞㗎。據《e+娛樂》刊登的WhatsApp對話截圖，周永恆疑辱罵黃芊詠出賣肉體，更說：「你大可因為我加價了。」真係難聽過粗口！任何女仔聽到都會嬲啦，點知昨日兩人又再恩愛合體，認真奇情。
《e+娛樂》報道中登出一段疑似周永恆（Roy）與女友黃芊詠（Cherie）的WhatsApp對話，Roy指自己冇吸食冰毒，又辱罵Cherie：「我死都不會為錢出賣XX，你只是因為大使出賣XX的少女，唔小心食到明星的X ……你大可因為我加價了。」女方就鬧Roy講每句說話都將感情迫到盡頭，嘩！盡頭喎，係咪即係分手喇？原來又唔係。
攬實女友曬恩愛
昨日失驚無神升呢做娛樂公司業務總經理的Roy又拖住Cherie出席電影《男神最痛》宣傳活動，攬到實曬，講到WhatsApp內容時，他說：「嗰啲對話我乜都冇，肯定唔係我哋。近排我媽咪都收到4、5個唔同女士，用女朋友頭像嘅WeChat帳號Add佢，好多個「Cherie」出現，你估分身術咩？」咁不良嗜好呢？Roy一樣否認，並指：「邊個唔知我04年犯過毒品嘅錯誤？我依家有八嚿腹肌，點會掂嗰啲嘢？工作咁忙亦都唔需要咁做。」有八嚿腹肌就唔吸得毒，呢啲咪神邏輯囉！
|
鍾意就快D Share啦！
|
|
|
