[隱藏]
一直以來同女朋友嘅關係都係唔太穩陣，有時仲會發現佢會講下大話，令你曾經有一刻諗過不如同佢分手？其實你有冇諗過，自己有可能係比對方玩緊，對方一直都有背住你偷食？
想知道對方係唔係呃緊你，比綠帽你戴？或者你就應該留意下對方有冇出現以下10個狀況……
1. 成日突然放飛機
明明今日約左佢，點知去到約會嗰一日嘅晏晝佢先至嚟話唔得閒？如果佢好多時候都係咁，直情係當你無到，意味左覺得唔需要花時間喺您身上咁。假如喺一段關係開始嘅時候，對方已經無將您放喺第一位，咁您應該估計到去到後期，情況只會係更差。
2. 經常撩其他男仔搭訕
根據兩性關係及心理學家說法，對比起一個人嘅言語，一個人嘅行為其實係更能夠反映出佢地嘅心理狀況。因此就算你另一半講到有幾愛您都好，假如您發現佢有經常撩其他男仔搭訕嘅習慣，餐廳侍應、您嘅朋友皆是，或者您就要加倍留神可能有人做緊你地嘅第三者。
3. 從來都無上過佢屋企
如果您已經同佢拍左拖兩三個月，但每次提議話上佢屋企嘅時候佢都總係有藉口推左您嘅請求，咁你就要首先諗下佢嘅處境，例如佢係唔係一個好亂嘅人怕人見到佢間屋唔整齊，定抑或有其他roomate驚影響到人咁。但假如無啲咁嘅顧慮，咁你就要小心睇下自己究竟係唔係做左第三者都唔知，自己嘅另一半屋企根本就放曬有關正印嘅物品，所以先唔比你上去。
4. 唔比你認識佢嘅朋友同埋家人
同一樣道理，假如你地兩個已經一齊幾個月，對方都經常搵藉口唔想比你認識佢嘅屋企人同埋朋友，咁就有機會代表佢有所隱瞞，唔想比佢嘅家庭或者朋友圈知道你嘅存在，費事揚開你係佢第三者嘅消息。
5. 唔同你影相
初初同你起埋一齊唔影相，或者係因為關係未算穩定所以就費事咁快公開，避免比社交網絡嘅朋友問長問短，好鬼尷尬。但如果佢長期都係咁嘅時候，咁可能佢其實係另外同有另一個伴侶，要瞞住佢同你嘅關係。
6. 來電顯示比佢改左做另一個名
發覺你打比佢嘅事後，電話顯示個名竟然完全唔係係個名黎？仲要嚴重到佢將你個名改成左一個女仔名？咁你首先就要諗下自己有冇曾經同佢開玩笑，個名係唔係真係同你地有聯繫先。如果無嘅話，咁你最好就問清楚佢嘅用意，搞清楚番成件事。
7. 親熱過後趕住番屋企
每次親熱過後，另一半都好似滾水燙腳咁，即時急急腳執番D衫褲走人？咁其實亦都顯示出佢唔想多花時間喺你身上，想喺達成自己目的之後快啲離開現場。同樣地如果發生咁嘅情況，您都係試下以試探嘅方式問下佢點解會咁做較好。
8. 永遠唔會將您稱為男朋友
雖然兩個人關係已經穩定落嚟，但佢都係唔肯喺人地面前表明您地嘅關係，稱呼您為佢嘅男朋友？咁其實就意味左佢地仲考慮緊應唔應該同你喺埋一齊，有住「騎牛搵馬」嘅心理。
9. 忽冷忽熱
呢幾個月佢就同你糖痴豆咁形影不離，下一個月佢就無端端幾個星期都唔會搵你，就連短訊一個都無，但就話只不過想有啲私人空間，並唔係想同你分手。咁樣嘅表現其實就代表左佢地都好質疑自己應唔應該同你走埋落去，無論對自己定對您都無咩信心。
10. 從來唔講將來
如果你同對象只係拍左拖幾個月，當然就唔會希望對方咁快同你講將來，但相反假如你地已經喺埋一齊一段時間，佢都對將來隻字不提，甚至係迴避嘅話，咁就可能代表左佢地未諗清楚到底係咪要同您長久喺埋一齊，關係仲存有很大變數。
|
鍾意就快D Share啦！
|
|
|
