今年是樂隊班霸Beyond成立30周年，下月30日更是主音黃家駒逝世20周年的日子，黃貫中（Paul）和黃家強卻由兄弟變仇人，決裂收場，前晚Paul連發三段微博，發狂怒轟家強五宗罪，昨日Paul接受本報記者電話訪問，更爆粗鬧家強抹黑他：「我冇咁惡毒嘅兄弟！」葉世榮對他們的罵戰冇感覺，Beyond的光輝歲月只成追憶。
踏入6月，是Beyond靈魂人物黃家駒的生忌和死忌月，成員黃貫中和黃家強卻在這時候在微博引爆連場罵戰，兄弟情正式決裂！事緣上周四有記者在微博上載跟家強合照，Paul埋怨家強跟「毒人」一夥，無辜被牽連的家強不忿留言：「他永遠是對的，我不申冤，我死不瞑目！」前日Beyond的前經理人Leslie都加入戰團，在微博發六篇文章「Beyond30週年的意義」踩多家強一腳，叫家強做小強，他寫道：「你的兄弟們對你一直真的非常《好好》，希望你會《好好》反思，不要再跟歌迷說自己很善良，我看了也想吐。」結果再挑起Paul的神經，以前一直不承認Beyond不和的他，前晚連發三段微博狂轟家強。
「有嘢嗰個係佢」
昨日Paul接受本報記者電話訪問，他連珠炮發說：「我冇反面，前排喺銅鑼灣見到佢有傾有講，係佢面對面冇同我講有演唱會，上次我同記者鬧交，佢唔幫我唔緊要，係網友話佢買手錶、唔讓座，微博上幾百萬人講，我都係引述，一隊band冇乜唔講得，佢夠話我解散Beyond，佢話我喺band裏面冇資格，對住我同世榮講，講真我30年嚟對香港音樂有貢獻，唔好搞我，我默默做音樂，我死咗唔使拜我。」
怨氣沖天的Paul埋怨被家強抹黑：「我同家強絕對冇嘢，我行得正企得正，有嘢嗰個係佢，上個月銅鑼灣見到，點解唔當口當面叫我撐佢演唱會，話問我攞合照冇覆？合佢老×，唔好欲加之罪砌我，大家玩幾十年band，佢屋企彈支吉他都係我㗎，你話我㷫唔㷫？我對住個天講，佢冇問我攞相，或者佢唔想我去佢演唱會，或者佢覺得紀念Beyond冇我份，佢做好自己嘢，唔好踩我。」問跟家強是否冇兄弟做？Paul勞氣說：「我冇啲咁惡毒嘅兄弟！」Paul透露準備做巡唱，他有自己方式悼念家駒，他再寸家強：「佢係我好兄弟家駒細佬，我有責任要照顧佢，如果佢要請我去演唱會應承，但50歲仲扮委屈，仆街，做好音樂先，《年少無知》受歡迎唔係我。」
「我和世榮怒了」
其實前晚Paul連發三段微博開名狂轟家強：「家強……我有甚麼得罪你，男人老狗，那天和你面對面，你居然對演出及照片隻字不提，現在還用五毛去攻擊我，對你的『個唱』真的有幫助？撫心自問，你再抹黑我，你的音樂也不會進步的，你其實需要的是對我和世榮的信任。」
■Beyond前經理人Leslie（小圖）上載家駒和世榮的舊照，並叫家強好好反思。
■世榮（中）寫歌悼念家駒，不想介入家強（左）和黃貫中的是非
■Leslie在微博上載87年Beyond合照，感慨謂看到這張相只覺欷歔。
|
鍾意就快D Share啦！
|
|
|
