自從有咗 Uber，坦白講搭的士嘅次數真係少咗。其中一個原因係喺香港搭的士經常受氣，唔似得 Uber 司機咁好人，咁客氣。有網民最近拍咗條片，細數香港的士司機 8 大惡行，當中你遇過幾多樣？版主就最憎上咗車後不斷被司機嫌三嫌四同挖苦，另外不斷撳手機接柯打都令乘客好擔心。跳轉睇片。
1.拒載
其實趕收工/唔想做，不如直接「冚旗」交更/返屋企，點解又要等客，等到客唔岩心上又拒載？最難受是「冚旗」開住窗問你去邊，岩就開工，唔岩就踩油走人……其實有冇諗過企在客人感受？
2.唔過海
到而家仍未能接受唔過海而叫你下車，講緊又唔係在「非過海的士站」要求過海，既然一定唔過海，點解又要在街兜客？不如去「非過海的士站」排隊ps.當然都遇過好的司機，會直接跟你說，過海唔熟路，到時可否帶一帶之類……唔識路都肯車客人，這就叫工作態度。
3.風琴油
即是不斷輕踏油門，又放鬆油門，乘客感覺會chok 下chok下，話都冇咁快會暈車浪……不過最難受係重油門又重break，香港又多燈位，隨時chok到頸斷。
4.冇反應
平時小編上車就會話：「ｘｘｘ呀唔該。」其實大部分司機都會應1句「好/ok/收到/冇問題」等。老實講，唔應人冇禮貌都算，你唔應我1句，其實我又點知你係咪聽到？或者我講個個目的地，又係咪你聽到個個目的地？試過有friend上的士，目的地係科學園，司機又係唔出聲咁，最後去了康樂園……為咩呢？
5.俾說話你聽/粗口
或者你的目的地唔夠長途或者大偏遠而冇機會有客走，這個時候有司機會自言自語講下自己幾唔好彩、幾黑仔之類，總知不斷碎碎唸，有些會扮同call 台的朋友傾伕偈，務求要你聽到佢好唔願意接載、好委屈之類。
6.唔識路亂行/兜路/未到目的地要你下車
真人真事，試過其實司機唔識路，唔出聲又亂行，我出聲講應該行邊面啦，佢又話你唔早講。我都唔識應對了……ps.又試過有司機，明明重差成個街口先到，但佢見到有客，即刻停車叫我下車自己行；亦試過個司機好聲好氣，我重主動講，反正有客，我下車自己行都得……有時好態度真係咁難？
7.老鳳唔找錢
而家車錢經常有毫子，不過司機無論2毫定8毫都當加1蚊計……4捨5入都唔到，重要老鳳喎，咁同搶有咩分別？
|
鍾意就快D Share啦！
|
|
|
