我哋成日話男女有別，男仔鍾意喺朋友面前曬命話自己係個識浪漫嘅男朋友，但係女仔就成日投訴條仔唔識浪漫，或者製造下驚喜。其實原因都不過係男女有別，男仔認為浪漫嘅嘢，女仔唔認同，相反女仔覺得浪漫嘅嘢，男仔又唔能夠理解，你話咁樣難唔難搞？不如一齊睇下男女對於浪漫嘅定義有乜嘢唔同，了解下異性喇！
1. 食物方面男仔認為豆腐火腩飯係男人嘅浪漫，有肉有汁有飯，茶餐廳一路都係男仔嘅最愛，原因是價錢合理，份量又多，而且質素都唔算太差！
女仔就認為英式下午茶、甜品蛋糕才至係女人嘅浪漫，經常同幾個好姊妹一齊到酒店嘆下英式下午茶，同精緻嘅茶具甜點嚟張大合照同自拍，真係夠曬浪漫。
2. 飲食習慣方面平時出街食飯，男仔會為咗慳錢而去快餐店，佢哋都想搵個肯陪佢吃M記嘅女仔！
而女仔就會認為快餐店嘅食物實在有啲唔健康，要減肥嘅話，佢哋會寧願節食，或者煮個麥片就當一餐，慳翻出去食飯嘅錢，換嚟一餐好食又貴嘅日本料理或西餐！
3. 朋友方面好多男仔都鍾意踢波打籃球，男仔嘅浪漫就梗係一起出汗做下運動，最重要係同兄弟喺埋一齊喇！
女仔最鍾意同班閨蜜一齊傾下少女心事，分享下感情上嘅煩惱，亦都好enjoy為對方分析邊個男仔比較好、提出解決感情煩惱嘅方法等等，甚至係專講八卦是非，仲有癮！
4. 夜間娛樂方面男仔返到屋企第一時間就係開電腦，佢哋嘅娛樂就係同朋友們打機。
女仔就梗係唔係話打機，而係煲劇、追星同護膚，仲有唔停滑手機，睇朋友圈同上載自拍照！
5. 購物方面男仔購物非常爽快，佢哋只會買真正需要嘅嘢，所以一旦睇中，就會馬上行入商店俾錢。
女仔鍾意Window Shopping，即使見到鍾意嘅嘢，都未必即刻買低，佢哋習慣比較下其他店嘅價錢，仲要翻屋企諗幾日。另外，女仔亦非常鍾意Online Shopping。總之好鍾意shopping就啱喇。
|
鍾意就快D Share啦！
|
|
|
