熱爆娛樂 +: 真人真事! 恐怖怪異經歷! 打打下J個陣突然有人拍門.. .

2016年4月8日星期五

有一晚同屋企人出去食飯, 食到差唔多就一個人走出餐廳食支煙啦,

果晚有少少雨粉, 我就企o係商場個平台公園一個角落度點菸,

點菸果一刻望過周圍明明冇人, 得我一個,

點知點完煙抬頭就見到有一個白衫黑裙既女仔, o係我十步以內正前方望住我

我唔出聲, 亦唔敢望佢, 當睇佢唔到希望過到骨,

眼尾偷望佢, 見到佢拎住部電話, 表情好煩惱好無助咁,

佢開始行近我, 仲想開口講野,

之後佢問我: 而家幾點呀?....

我本來口快快想答佢, 之後突然諗起佢手上明明有電話, 點會問我幾點?

再諗起之前有人講過, 如果有人問你個名同而家幾點, 唔好隨便答,

佢問左三次, 我唔肯答佢, 轉身急步走返入商場,

到我行返入商場度玻璃門回頭望, 已經唔見左個女仔。

--------------------------------------------------------

7月有一晚返屋企, 去到我住o個層一出lift, 見到個陌生阿婆,

我好肯定從來冇見過呢個阿婆, 所以都有少少覺得奇怪

阿婆初時只係四圍行咁, 之後見到我出lift就望住我, 好似target左我咁跟我行入走廊,

我行快d, 佢又加快腳步, 仲對住我伸手同笑!

Hi! 到屋企門口時我已經驚到Hi Hi, 好大力咁不停拍門狂嗌:

開門呀! 個阿婆就快行到黎喇!! 就快掂到我喇Hi!!

我老豆一開門, 我即時衝入屋, 我指住阿婆, 問我老豆見唔見到阿婆, 佢話見到,

阿婆企定o係我屋企門口唔出聲, 仲笑緊, 我老豆問佢想點

我以為只係一個神經有問題既阿婆, 就扯火話要報警,

我阿媽聽到我嘈話要報警, 就行出門口問我地咩事,

我答佢因為阿婆玩野, 我阿媽就問: 咩阿婆?邊度有阿婆?

阿婆明明仲企o係度, 大家dead air左幾秒, 我老豆開始發覺唔對路, 就咁閂門不了了之。

幾年之後問我老豆仲記唔記得阿婆事件, 佢竟然話冇印象

----------------------------------------------------------------

鍾意就快D Share啦！