我同男朋友一齊咗約一年半，我地互相深愛對方。
佢係一個專一、有責任感、愛家人的男仔，平時都好關心我。
我覺得佢係難得的好男仔，所以我地彼此有共識，大約兩至三年後，財政上許可我們就會結婚。
但問題係佢佔有慾好強，同佢一齊我沒有自己空間。
佢要求我將佢放第一位，佢不開心就會想我推掉同朋友的約會去陪佢，如我唔推佢就會更唔開心。
佢覺得所有男仔都對我有企圖，如whatsapp有男仔搵我比佢見到，佢會問好多嘢。
要我每天返工、lunch、放工、回家向佢報到，要知道我所有網上密碼(如email,fb)，要知道我每一樣嘢。
有時唔記得咗話佢知，簡單如我喉嚨痛無同佢講，過咗兩三日先講，佢都會唔高興，覺得我對佢有隱瞞。
要我delete曬所有ex/追過我的人的電話和facebook.
同埋如果俾佢見到whatsapp我online但唔係同佢講緊野，佢就會諗我係背住佢唔知同邊個傾緊計。
夜晚喺屋企就要同佢講電話，有時想做下自己野，佢會唔開心，覺得我唔想同佢傾計。
佢唔喜歡我去夜街，我有時會同幾個姊妹去飲下嘢，佢就會好緊張，不停叫我早點番屋企。
衣著上都有限制，就算背心外加咗褸仔都唔係太喜歡，最好著領唔大的有袖衫，裙如果不及膝最好唔好著。
因為我身體唔太好，成日病，所以佢要我食野食得健康，唔可以食junk food，我食佢會鬧我。
未能盡錄，總之同佢一齊就好多嘢唔做得。不過有啲佢都逐漸改善咗，時間耐左佢都check少咗我。
已經試過好多次，因為佢對我的要求我做唔到，佢就話我，跟住我就會喊，但之後佢又好快氹番我。
佢話佢唔係想我唔開心，佢只係為我著想、緊張我，同埋想protect我，
每次我話佢太緊張我令我好辛苦，佢會反問我，咁你係咪想我唔理你？
約兩星期前我同佢嘈左一次勁，同佢講曬我所有唔開心，佢話佢明白，喊住咁求我原諒佢，又應承我佢一定會改。
我覺得佢今次真係有心改，我不想輕易放棄這段感情，但我又怕其實佢唔會改到，我同佢一齊一世都唔會開心。
我應該繼續同佢一齊嗎？
上次嘈交, 大家都應承對方為大家改, 大家都互相寫咗一篇好長o既信俾對方, 講出心入面的諗法
佢認真思考過, 明白到自己太無自信會俾我好大壓力, 佢話會努力建立返自己的信心, 嘗試唔好再諗得咁偏激
我亦都應承佢會繼續向佢報到, 唔會夜返屋企, 多d同佢見面, 努力俾多d安全感佢
這幾星期大致上都風平浪靜
直至幾日前...
因為最近我有個幾好的工作機會, 下個月可以開始, 做secretary, 是我喜歡的工種,
公司主要都係overseas clients, 我覺得可以多d野學, 而且薪酬福利都比現在好好多
我本身是在tutorial school教的, 平時對的都是學生,
但新工作要接觸的人就會多很多, 加上上司同大部分同事都係男性, 於是男友就開始好擔心
佢擔心我好多時要著裙返工 (因現在我可以著jeans, 但新工唔可以)
另外就係擔心我要跟上司出去應酬, 佢話佢接受唔到我咁樣拋頭露面
佢又擔心我會好忙無時間陪佢
總之佢就唔想我返呢份工
為呢件事已經連續幾日嘈, 佢覺得我唔肯為佢放棄份工, 即係唔肯為段感情付出...
話我唔理佢感受......
依家講掂數, 佢俾我返份工, 但唔可以應酬, 同埋最好唔需要同上司或男同事食飯, 盡量避免OT...
但呢d野..我控制到咩..我打份工咋.....
唉 我真係唔知可以點做
我係咪應該放棄份工呢?
|
鍾意就快D Share啦！
|
|
|
