網民惡搞古天樂堅落場版！ 《今期又流行》要睇古仔最尾神反應
古天樂本尊現身天后容祖兒近期為百老滙電器拍嘅新廣告，竟然邀得古仔喺網上別注版〈幾時都流行〉MV同時登場！新歌改編自古仔首經典金曲〈今期流行〉，MV入面更有唔少網紅演出，同埋著哂校服、大跳經典「拜神舞」嘅港日女Dancers！
致敬古天樂〈今期流行〉
廣告入面，祖兒身穿紅色運動服、戴上金絲眼鏡，扮演日本高校老師嘅角色，仲夥拍一班學生妹打扮嘅港日女Dancers大跳「幾時都流行」。新歌就用咗〈今期流行〉部分旋律，而歌詞同舞步都係根據〈今期流行〉嚟二次創作。最驚喜嘅當然係MV中段，古天樂型爆咁畀一班學生妹圍住登場
古天樂齋企 拍住手畀女圍
女Dancers換上另一套復古風露腰服裝，喺個Disco舞池度繼續圍住古天樂大跳特跳，戴住黑超嘅古天樂就咁拍住手齋企都已經Chok爆啊！雖然小編都係想聽佢開金口多啲⋯⋯
大家一齊嚟睇下個新MV
當然要回味返原本首經典
終極堅．古仔落場完全版
《今期又流行》堅．古仔落場版#古天樂 #容祖兒 #百老滙無俾廣告費
Posted by講劇大時代on Monday, 30 July 2018
識睇一定睇埋古仔同成龍講：「吊你」
第37屆金像獎頒獎典禮，古天樂終於拎咗最佳男主角，不過就令人諗返起第33屆金像獎頒獎典禮，成龍喺台上做頒獎嘉賓嗰時串爆古天樂，話佢攞唔到男主角。成龍一開頭就話「咁多年嚟，輸咗嘅工作人員從來無怨言，仲要去恭喜對方、祝福對方，自己返去努力」，就咁聽落好似冇咩嘢啊！
點知跟住就嚟料「好似啱啱我見到古仔一輸咗攬住佢（張家輝）好開心，可能內心就酸酸地，但係我啊都未攞過男主角啊！我同你兩個返去努力下我拍咗53年電影評委諗下我啊！」古仔拎唔到男主角可能內心真係已經酸酸地，不過都唔駛喺人地傷口灑鹽嘅，搞到古仔都忍唔住爆粗講咗句「吊你」！
網友就緊係第一時間食花生，將呢段精華片搞搞佢，變成依家呢個版本，就係無限粗口「吊你，吊你同吊你」，有片有真相，一齊睇下成龍有幾串，古仔有幾嬲
來源 source: http://www.plastichubdaily.com
|
鍾意就快D Share啦！
|
|
|
