我身邊有兩位堪稱typical playboy既男性朋友，由細玩到大，
所以好鬼死frd~~而佢兩隻野都知我個人acceptance比較高，
因此好多時有咩都會同我傾，當然我都會好直接去問佢地野~~
早兩星期我同呢兩位playboy朋友加埋幾個朋友落pub飲野吹水，
席間傾開到底男人會揀咩女仔黎呃，呢兩位playboy朋友講左一d野，
係我做女仔都平時唔會太多意識到原來呢d係danger signal~~
--------------
--------------
--------------
1. 揀無乜戀愛經驗、單純但對戀愛有太多浪漫憧憬ge女仔
佢地話：呢種係100%勁好呃!!!!!
因為戀愛經驗唔多、而又勁full of fantasy既女仔，最容易出少少花招，
即係等下你放工呀、車下你返屋企/遊車河呀、得閒send幾個曖昧情慾短訊呀、
對你超殷勤得閒morning call呀、有意無意叫你一句傻豬呀.........
個女仔就會冧到爸爸媽媽姓乜都幾乎唔記得，而且仲會無左你唔得~~~
你對佢好少少就為你開心半日，你唔搵佢半日佢就可以無胃口食飯，
呢d女仔，基本上不出一個月已經可以手到擒來~~
要飛佢咩﹖扮死狗求其講幾句解釋講到自己俾唔到幸福同將來佢就可以甩身，
記得飛佢o個陣個台詞要感人d，要讚佢好女仔，要話佢知係大家有緣無份......搞掂！
最重要係，其實到最後佢連你住邊o係邊度返工佢都唔知~~~無仇報~~
--------------
--------------
--------------
2. 揀受多次情傷、仲要心靈空虛急住搵人要ge女仔
佢地話：呢種只要俾少少憐惜之心同埋虛寒問暖就實食無黐牙!!!!!!
通常咩女仔會經常受情傷﹖咪就係唔帶眼識人、或者對愛情無安全感逼到個男人要走佬o個d囉！
呢d女仔先天不足，唔識得保護自己，仲要以為捉得死死咁就可以保障愛情，
佢地要d咩﹖咪就係要你做好多好似好有安全感ge行為，包括有講無做ge空頭承諾~~
呢d唔駛錢唔駛出力ge野，對於playboy黎講簡直係食生菜咁食，有幾難jer~~
仲要主動關心你ge情傷，講兩句話：「你咁好，佢地唔識珍惜你，但我識！」已經暈左o係度
再俾多少少肉緊，要你唔好話俾個軀體佢，俾埋副身家佢都仲得~~~
--------------
--------------
--------------
3. 以為自己好吸引、可以隨時電死仔ge女仔
佢地話：呢d咪就係聰明一世，點知中x左計o個d囉，男人真係你以為咁蠢呀﹖嘿!!!!!
好多外表高質仲要好識打扮ge女仔，成日o係男同事堆中穿花蝴蝶咁ge女仔，
通常都係以吸引男人埋身為榮，playboy們話呢d女仔，連手段都唔駛就中門大開長驅直進，
仲要俾多少少錢，送下花送下錶，然後就可以呃蝦條，跟住連byebye都唔駛講就消失，
包保佢唔會唱出去之餘亦唔會死纏爛打，最多o係你背後話你人渣囉~~
所以呢兩位playboy朋友同時亦係我好幫手，因為同道中人嘛！
正所謂「行家一出手，便知有沒有」，好多時係佢地提醒我呢個男人好有機會係賤男，
要小心d~~~佢地成日話，如果真係想有好男人，好多時唔好太膚淺，
淨係睇佢地ge招數去判斷，而往往真正值得你去愛ge男人，係o個d 性格唔太social，
外表唔太突出，把口唔太叻唔識冧女但同時唔識講大話ge男人，而且呢d男人，
往往因為無乜媾女ge自信心，所以踢一踢先郁一郁，呢d男人如果你知道佢係一心一意對你好，
就唔好心野，唔好俾佢地呢d無腳ge雀仔呃左去唔要最好o個個喇~~~
同埋，佢地成日話男人性格悶係好事，性格貪玩ge男仔異性緣特別多，
如果加埋有少少才華，真係可以殺到一地都係女，男人好衰ge，有野送埋口唔會諗食唔食，
而係諗點樣食完唔俾隔離o個個知~~~所以話，男人係要欣賞佢忠直誠實，
而唔係欣賞佢美貌與口才並重囉~~~sis們，要小心d喇！
|
鍾意就快D Share啦！
|
|
|
