![[sosad]](http://forum5.hkgolden.com/faces/sosad.gif)
講出黎可能你地會覺得我係老作,但完全係真人真事
諗番起都成幾年前,果排咁岩就失戀,結果就係D交友APP度識左個女仔
起初都無乜野,其實都係吹下水咁,直到某一日佢就話不如出黎見面,我心諗唔係掛傾左幾日咋喎,咁快就想出黎見面
於是我就拒絕左佢,話傾多一排先啦,咁佢都無乜野,講左句好,無問題.
好啦過左差唔多一個月左右,佢又話不如出黎見個面,咁我又覺得都傾左成一個月,應該無乜問題就應約啦.
出到黎個樣又同ICON差唔多,好在無中伏,高高瘦瘦,皮膚白,普通樣啦,於是就出發啦.
聽佢講話想去葵廣,好無問題咁去葵廣囉.
咁果日就其實要搭地鐵既,你知啦地鐵好逼架嘛,結果我同佢就逼左去個角落度,初初都係傾下計咁,跟住佢無啦啦問我
我=
佢=
:我可唔可以拖你隻手?
(我心諗,喂唔係掛,咁當然口裡說不身體卻很誠實)
:好,拖囉
:其實呢度好逼,我可唔可以攬住你
(喂大佬你即係挑戰我既姐,有咩理由開到口仲要拒絕)
:好,攬囉
於是乎就一直比佢攬住去到葵廣
如果有去到葵廣都知,有三層既電梯,戲玉就黎料.
咁上到電梯,企位就係佢企上面,我企下面啦,跟住佢無啦啦控個頭埋黎錫左我一啖,果下好突然我未反應到發生咩事,係電梯到左之後我先識問佢
:喂你做咩?
:無啊,忽然想錫你咪錫你囉,你唔鍾意咩?
(你咁問我好難答我唔鍾意架喎)
:唔係,只係太突然,我唔知發生咩事姐
:咁你無唔鍾意就得啦,行啦
於是我就每搭一次電梯,就比人錫一次.
跟住行行下佢無啦啦扯我埋一邊想同我打車輪,但我呢下真係唔得,佢猛咁申條利入黎,救命好似前世未同人打過車輪咁痴線,結果我推開左佢.
:做咩啊?你唔鍾意?
:係,我覺得太快啦
:哦好啦咁我唔逼你
之後佢就好似發脾氣咁無出過聲,差唔多行哂成個葵廣之後,佢話想去荃灣海旁行下,咁好啦佢話事.
去到海旁之後,都係坐埋一邊大家都無出聲望住個海,氣氛尷尷尬尬.
跟住佢話
:我想帶你去一個地方
:哦好,行啦
結果就行左去個殘廁前面,佢拉左我入去,跟住鎖門.
:無啦啦入黎做咩?
:(無應我開始控個頭埋黎錫我)
:(推開佢)喂無啦啦搞咩呀
:(開始除衫)
跟住我即刻禁住左佢,拉番佢件衫落黎
:你係咪痴線啦,無啦啦咁突然,今日先第一日見面就做呢D野?你傻左呀?
:乜你地D男仔唔係好鍾意既咩?
:就算係鍾意都唔會第一日就做呢D野啦下話?用下個腦啦
:(開始喊啦)我比男朋友飛左,好唔開心,淨係想搵個人陪我
於是我同佢就出番黎,坐埋一邊傾計,先知道原來佢男朋友識左第二個,於是同佢分手.
故事黎到呢度就完啦,可能你地睇到呢度會覺得我扮乜勁呀,有得食又唔食,扮哂道德向左走向右走咁
但其實我係覺得呢件事對我黎講真係好反感,咁大個仔真係第一次遇到呢D咁變態既女仔
|
鍾意就快D Share啦！
|
|
|
