38歲的無線男神陳智燊自宣佈下年迎娶「入得廚房、出得廳堂」的前華姐冠軍宋熙年（Sarah）。日前晚上，超好人緣的準新人拉大隊去中環大排檔影新潮玩嘢婚照，準新娘Sarah更call埋兩索人妻李亞男和陳爽畀面上鏡，而其中好閨密高海寧更唔介意客串做啤酒妹，四美人圍埋性感鬥搶鏡，現場笑聲不絕，搞到班食客目及嘢之餘，仲戥對新人開心呢！
日前晚上十時，中環大排檔星光熠熠，食客隊啤歎小炒的時候，突然有「四大美人」穿上性感晚裝殺到。以為拍戲？其實係陳智燊同拍拖6年的未婚妻拉隊去影潮婚照，打頭陣的主角、準陳太宋熙年穿上火辣Deep-V晚裝，仲戴上華姐冠軍后冠，兼有三位靚女做姊妹，人妻李亞男和高Ling同樣低胸送爽，唯獨索爆人妻陳爽就封胸，有啲美中不足。
Ling風騷笑說今日係啤酒妹，問姊妹飲咩酒？快速影完型女相，到新郎蠱惑入鏡，任婚照大導演的Jason上身提議做侍應說：「我扮侍應，o氹靚女開心！」隨即拎啤酒、餐牌服侍佳人。
07年華姐冠軍宋熙年（中），與季軍陳爽（右）成密友。
5年華姐冠軍李亞男，同屆亞軍為陳法拉（左）
熙年透露當晚由Jason一手策劃，希望影輯夠地道的另類婚照，她說：「我同Jason在香港做嘢認識，所以想影輯有香港特色嘅婚紗照，大排檔最夠風味。好多謝三位好姊妹當晚抽空一齊影，影相之前，我連續工作咗十日，雖然攰但難得全部人夾到期，就開心影輯得意靚相，精采嘅婚照，一輯就夠。」
來源 source: http://bastillepost.com
|
鍾意就快D Share啦！
|
|
|
