結左婚2年半,而家佢有左....
我都知道有左心情係會唔好,但都唔知佢個腦係咩構造
佢初初未結婚係我屋企住左3個月左右,結婚後又住左一年左右,
本身同我屋企人都好好,但之後佢成日都話我屋企人點屋企人唔好....成日想話搬出去...
最後係09年 年尾同我屋企人嘈左一次好勁.......咁最後10年既1月搬左出去.....
佢而家成日都話我唔聽佢講野,如果一早搬就唔會咁,諗返當時,我搵果7000蚊,佢冇野做.....驚出去住唔掂......
冇計....嘈完真係快D搬走..........最後搬左出去,佢仲令我份工都冇埋,我一句都冇講冇怪佢...但佢自己仲覺得係我公司衰.....一開始就已經講左會出事,仲死都要我做....最後真係工冇埋...
佢成日都話我大佬好衰好賤....因為果時佢係我屋企住,我大佬成日都放支地拖係廁所等佢拖地.....咁事實上...我自己都覺得唔放係廁所佢係唔會自動自覺去做....佢又話我大佬當佢工人......當佢賓賓...
佢係我屋企,咩都唔使做....叫佢6點幾左右沖涼先都話我屋企多規矩....我屋企人早睏,講野細聲少少又話......
我都唔知自己係唔係前世得罪左佢....點解自己要受E D 苦....
結婚後成日都話離婚離婚....成日都話搵個有錢人....
佢自己都試過2次俾人掉低唔要佢(詳情費事講)....成日都覺得自己可以搵到個更好更有錢,成日都覺得自己條件好好...但事實上佢唔係靚,冇身材,冇學歷....當時我覺得佢個人好好同個心真係好好我先同佢一齊,估唔到之後變左咁多
我知我係窮但我對佢好....我成副身家都用曬係佢身上LA,我未夠18出黎做野...同佢結婚果時都儲左幾萬蚊...又用曬係佢身上....
雖然佢係肯同我捱窮,但又成日話窮唔肯做野....仲有時買埋D垃圾返黎,係都要買部衣車,話想車衣賣,最後,2000蚊買返黎,都用唔夠2個鐘......擺....
尋晚睏之前,佢又發癲.................
又係道數我屋企人唔好.....之後又話佢以前果個BF幾好,功夫幾好 屋企人對佢超好,個阿MA阿BA一返屋企就第一時間會叫佢出黎食野先,之後先叫佢BF&BF個細佬,又話個細佬仲幫佢洗衫......
跟住又話我阿MA唔煮花膠俾佢,第時生左阿B出黎皮膚唔好唔關佢事...... 又話第時生完叫我阿MA湊,佢去做野.....
又話自己唔係想食 山珍海味 , 只係想食花膠等阿B皮膚好D...... 而家一星期返去食一次飯,返4次去食飯都有3次有得食LA.....
果日阿大佬返屋企話花膠好貴,因為佢做海味果D,佢都只係講下,佢都唔係同我講,只不過係我聽到原來加價得好勁...我返去當閒計咁同佢傾,佢又唔知痴乜野線話我阿MA唔捨得買俾佢....根本就冇人話唔買....係佢自己將件事扭曲左
我成日都話,叫佢自己湊返阿B...自己成日都話唔生過細路既都唔係女人,又話想睇住阿B成長...
我阿MA做野搵錢多過佢,我阿MA會金錢支援我地,因為我地申請公屋中,又唔可以過入息....佢做野都係PART TIME , 搵得幾多...不如自己湊仲好
加上我而家份工,個經理好睇得起我,佢帶我入黎做,而家搵8000,3個月後仲加底薪仲有500蚊車費津貼...我估都9000,加埋OT可能有10000... 而家個經理好明白員工係公司既財產,都話做得好一次加人工,情願加人工唔俾D員工走,因為教一個員工出黎用太多時間,不如加人工.....其實我自己都幾SURE可以叫佢加到差唔多10000唔計OT,佢做PART TIME 做果幾個鐘有邊道會請佢.....
我阿MA而家做地盤,真係辛苦,但我阿MA唔想退休住,因為佢擔心我地唔掂.... 但我都想佢退休,因為佢唔做野我地幾個仔女自己都生活冇問題,雖然我地搵得唔多但個個都仲儲到好多錢
咁第時再同阿MA傾LA E D 野,我地講黎都冇用,佢就係都成日話我阿MA唔肯.... 佢就係果D自己覺得係既就一定係,自己做得人地唔做得 果D人...其實都幾港女,但自己從來唔覺得自己係......
我真係好辛苦...成日都要受氣....老實講我對佢真係非常好,失業左幾個月,佢係屋企一樣野都冇做過,咩都我做,仲成日搵野嘈...就算以前我要返工,佢係屋企都係唔做野,洗衫買送都係我返屋企做,佢係要我收工去買定聽日後日既送俾佢煮飯,從來冇試過一個人去買送,掃地拖地更加唔會做LA, 佢一個人係屋企,咩都唔使做,唔好咩?? (尋日夜晚打俾我問我個新飯煲點用=.=買左3個幾月而家都唔知...咁就證明左佢...根本冇聽我教過&冇用過)
上個月發皮氣仲出手打我...我忍....咁耐都唔知打過幾多次...上個月最難忍.....我都忍到.....
但我真係好辛苦,點解自己個老婆會咁......個腦係唔係痴左......
佢真係衰到...佢自己阿MA阿婆阿BA都唔幫佢...佢阿婆成日都話佢唔係人....做D野完全唔係人做既.....
唔知我幾時痴線.....唉................
而家份工返6日,仲可能會返大陸.... 仲可能會OT.....我真係希望成日要OT...因為OT有錢LA,仲可以係屋企既時間短D.....唔使成日見到佢俾佢嘈.......
做男人做到隻狗做到似奴隸....真係.....唉............
基本上,我個BEST FD都話,由佢走...睇佢自己點死......佢阿婆就話叫我唔好理佢唔好哄佢由得佢自己癲...
但....有邊個男人想自己個老婆走........ 如果唔哄佢,我咪死得仲慘....
有時真係覺得以前個同事講得好好
所有既女人都係一樣,只有個樣唔一樣,個個女人都係會做果D野..........所以,靚同唔靚既女人,都係一樣....
初初覺得好似有錯,但而家真係覺得,佢比我睇得更化......
一路都唔明,點解D男仔成日都要搵靚女....其實,搵另一半,我覺得最緊要既係佢地個心,係內在唔係外表....
故仔長左少少,只係想搵個地方訴苦..........放係心入面...真係...就快爆炸....好想死既感覺.....
可能遲早有一日睇到報紙寫有個男人因為俾老婆激,激到死鬼左都唔出奇.......
|
鍾意就快D Share啦！
|
|
|
