(先交待下背景）我同男友拍拖差唔多半年，男友屋企有5兄妹(P.S: 同母異父)，佢係長子(同前夫所生)，另外4個妹(現任丈夫)
岩岩拍拖既頭一兩個月都好sweet，到後期男友向我坦白:之前因工作關係，借左財務公司8萬，驚我會離開佢，所以一直唔敢同我講
我應承左唔會離開佢，叫佢每個月慢慢還，還清草錢先結婚，我知佢冇乜錢，所以平時去街食飯
，我都唔會點買野，亦都唔介意食麥記KFC，茶記既餐廳，淨係想佢快啲還完錢，可以過啲好啲既生活
但原本我幫佢死慳爛慳，到頭來卻有種白費氣力既感覺，原因係佢其中一個妹（排第三，簡稱3妹）
平時男友收工返屋企，都會買糖水野食返屋企俾3妹，初頭覺得好正常，始終係屋企人，收唔收返錢都無所謂啦
後來發生既事，真係覺得過唔到自己心理關口，希望大家俾啲意見/建議
除左去睇電影拍拖個陣係兩個人獨處之外，其餘日子拍拖既時候，男友既3妹都會係度
我自己返兩份工，星期一至日都要返工，一個月都盡量抽2-3日放假陪下男友，因為好難得先有假放，所以都會提早一兩星期前通知男友，大家互相就下時間
有好幾次，已經講定左放假既活動，出發前一日先同我講，3妹都想去，不如等埋佢先一齊去，結果我既假期變左係屋企自閉（因我本身朋友唔算多，大家返既工作類型唔同，要臨時臨急約人真係好睏難，加上我唔想俾朋友認為我當佢地後備，冇拖拍先搵佢地攝時間）
有次同男友睇電影，睇電影前佢有whatsapp 3妹話睇電影，完場後我去左洗手間，出返泥見到佢同佢妹講緊電話，內容大致係：我睇完戲就返屋企（當時係我早收工，收完工去左買飛，話等男友收工睇埋戲，先一齊食野）
聽完佢講電話，真係有團無名火生起，點解好似乜都同個妹匯報，一齊睇戲係咪陪坐咋，個刻真係野都唔想食，叫男友返屋企
大多時，我想見下男友，我收工都會去同佢食下飯再去佢屋企一齊睇下電視之類，一般到11,12點先返屋企，佢個妹就會等到我走，男友送我去撘車，佢會跟埋過泥，送完我撘車就要我男友陪佢食野(因佢屋企長期唔煮飯)
即使我冇過去搵男友既日子，男仔都會12點陪佢呀妹落街食野，就算男友第日要8點起身返工，但呢啲咁既生活一星期都會有兩三次
有陣時，我都會陪埋佢妹食完野先再返屋企，太夜冇車撘，男友就會借車送我返屋企（男友第日唔洗返工先會車，平時都係自己撘的士返去）
好無奈，佢妹會跟車話遊車河
終於有次，我忍唔住發男友脾氣，當時佢訓緊覺，訓一陣又醒下，叫我問下3妹係邊？點解咁耐都未返泥？我冇理佢，當佢發開口夢就算，之後無聊禁電話睇片，睇既片係把女聲講緊野，男友又醒左，問我3妹講咩？
個下真係火山爆發，嗌交嗌到幾乎分手咁濟，嬲到直接問男友，到底你同我拍拖，定我同緊3妹拍拖，還是你同緊你妹拍拖
佢當時同我解釋左好多，話個嗰係佢親妹，邊有可能會咁，唔明我諗乜，雙方疆持左好耐先心平氣和傾
我以為傾完之後，會有改善，但情況依然係咁，3妹依舊會跟著遊車河，連副駕都想坐埋（原因：佢食緊野，坐後面左搖右擺食唔到，男友見我黑黑地面，叫佢妹食完坐返後面先開車）
其實我真係好唔開心，希望係自己鑽牛角尖諗歪左，希望大家俾啲意見我
（點解我會諗歪，係男友其他妹唔會係咁，亦好少提及，唯獨3妹經常掛口邊）
|
鍾意就快D Share啦！
|
|
|
