年過30係男士最具魅力嘅階段，除左因為外貌方面成熟有男人味之外，佢地嘅事業亦都已經走上左軌道，所以對於唔少女士黎講，呢個年齡層嘅男士就係最為吸引，成為左唔少人嘅追求目標。
但要成為眾人眼中嘅男神，講真談何容易？或者最低限度之下，你都應該戒左以下8項壞習慣先至有機會成功囉！
1. 工作無發展空間
工作其實就係外界看待您嘅其中一個關鍵條件，所以好多時候大家第一下認識你嘅時候，都會主動用工作打開話題。雖然您會覺得自己仲有好多時間去發掘自己嘅人生目標究竟係乜野，但當一個人去到30幾歲嘅時候，其實應該已經要係塵埃落定，工作方面都應該已經有長遠目標。咁樣先至會比到大家一個穩定嘅形象。
2. 收入穩定
除左工作上需要要有目標之外，工作穩定都係另一個必須符合嘅條件，咁樣先至能夠確保收入穩定，能夠為未來積榖防饑。當然喺收入穩定嘅同時，都要記得有儲蓄嘅習慣，咁先至能夠反映到您明白到未雨綢繆嘅道理，係一種成熟有承擔嘅表現。
3. 買醉
仲細咩「買醉」？有壓力嘅時候飲一兩杯輕鬆下，同朋友傾下計咁就無咩問題。但如果搞到係喺公眾場所追酒飲，成日都飲到自己不省人事嘅話，咁你活著就需要重新檢視下自己嘅生活習慣。無論對於健康或者係自己嘅個人形象，買醉都係會造成非常負面嘅影響，到你老左嘅時候，您就會發覺呢個絕對係至理名言。
4. 揸車亂咁黎
揸車揸到好似當左自己係藤原拓海咁，喺道路上面完全罔顧交通規則而且經常超速？呢啲都絕對唔係負責任嘅行為，唔應該會出現喺一個成年人嘅身上。魯莽駕駛除左會危及自己生命之外，其實亦都代表左你唔負責任咁將其他人嘅生命置之不理。你話咁樣邊會係成熟嘅人應有嘅表現丫？
5. 成日食快餐食品
因為好食夠快而且夠平，唔少男士或者都有食快餐嘅習慣。但講真食得多呢類垃圾食物，身體又點會好呢？您已經係30幾歲人架喇...…都係注意下個人養生較好。快餐呢啲嘅高鈉、油、糖嘅食物，食得多令您患上心臟病嘅機會亦會越高。所以假如您想年紀增長時仍能有著健康嘅身體，最好都係避免外出食咁多飯，食多啲住家菜先夠健康架！
6. 衣著寒酸
衣著其實就係最能反映出一個人性格嘅第一個觀感，所以如果您身上嘅服飾太過自我咁脫離現實，例如太過幼稚就必定會令人第一時間扣分。假如你想一般大眾喺第一眼望見你嘅時候有較好嘅觀感，您就應該選擇番適合您年紀嘅服飾，令您唔會覺得自己仲係好似10年前咁著埋啲細個先會著嘅衫。
7. 房間布置仍充滿稚氣
同著衫差唔多道理，其實個人嘅房間都應該要迎合自己嘅年齡層去布置，咁先至能夠突顯出您已經長大嘅特質。如果您間房仲係好似讀大學嘅時候一樣貼滿曬poster，而且仲用緊外型極不美觀、協調嘅家具，或者您就應該花少少時間重新整理房間，並以簡潔主題為主。
8. 唔關心時事
有唔同政見立場並唔係主要問題，而係離地不食人間煙火，仲好似細路仔咁漠不關心先會令人有負面印象。例如好似有同事或者朋友提起歐洲難民問題，點知因為你係活於自己世界而唔知道有呢件事存在喎！如果遇上左個咁嘅人，講真真係會因為佢嘅無知而對佢有所卻步！
|
鍾意就快D Share啦！
|
|
|
