生成式人工智能普及，不少人以為只要懂得輸入幾句 Prompt 生成畫面，就代表具備專業設計功力。最近有網民在社交平台發布對比圖，將歌手 MC 張天賦澳門演唱會官方海報自行以 AI「二次創作」。事主自信心爆棚發文，直言「自從有 A.I. 之後真心覺得自己唔係完全冇能力接到 design job」，更揚言「認真我個張真係靚好多」。結果這番自吹自擂引來全網「朝聖」，留言區瞬間變成毒舌地獄，甚至迅速演變成全新網絡 Meme 圖。
▲MC 演唱會海報
▲網民AI改圖
AI自製版塞滿元素被批俗味四溢
回看事主分享的對比圖，官方原版海報走低調簡約暗黑路線，刻意留黑襯托出紅色老爺車與歌手俐落氣場；事主「AI 自製版」就背景填滿金碧輝煌澳門酒店群、大三巴老街、賭場霓虹燈招牌，加上極搶眼「澳門」與「手信」字樣。
網民無情圍剿狂串審美能力
帖文曝光後遭網民無情圍剿。有人狠批「俗不可耐」、「睇完樓主就知審美有幾重要」，甚至直接勸退：「真心你係冇能力接任何需要審美門檻嘅 job。」面對事主自認比原版更靚的迷之自信，網民紛紛恥笑：「那裡來的自信？雖然知你係9搞」、「首先你要搞清楚點解官方嘅 poster 要咁設計，其次你個腦可以捐畀人。」
不少留言精闢戳破事主對設計誤解，有人直斥構圖「勁似幼稚園小朋友做勞作，有啲咩就全部加晒落去」，完全忽視「Less is more, more is cheap」道理。網民留下精警比喻：「AI 就好似 10 年前啱啱興起氣炸鍋咁，啲唔識煮飯嘅長輩即刻當自己係大廚」、「AI 解除了技術門檻，卻提高不了美感門楣」、「AI 阿豬阿狗都識用，美感唔係人人有，師兄你已經完美演繹。」
翻車熱潮化身全新Meme圖二創
這股翻車熱潮更迅速演變成網絡 Meme。有網民隨即以事主經典句式「自從有 A.I. 之後真心覺得自己唔係完全冇能力接到 design job」光速抽水，將陳奕迅原本極具意境黑白簡約演唱會海報惡搞。「二創版」複製事主「有咩塞咩」風格，硬生生在陳奕迅身後塞滿紅磡體育館萬人空巷、維港除夕倒數煙花、張保仔帆船以及浮誇巨型 LED 廣告牌，整個畫面擠得密不透風，視覺效果極具諷刺意味。這場風波再次證明，AI 工具雖然強大，終究無法代替設計師美感與審美核心價值。
|
鍾意就快D Share啦！
|
|
|
