羅嘉良回巢TVB拍《與諜同謀》！最近傳出喺TVB監製黃偉聲牽引下，羅嘉良確認回巢拍度身訂造嘅商戰劇《與諜同謀》（暫名）做股市大鱷。首位TVB三屆視帝「撈家」，素來都系憑商戰劇食糊，讓我哋回顧下撈家嘅5大商戰片！無睇過就唔好話自己睇TVB大噶啦。
天地男兒
集數：65
監製：戚其義
編審：鮑偉聰、周旭明
主演：鄭少秋、羅嘉良、張智霖、古天樂、伍詠薇、宣萱、陳松伶、張鳳妮
簡介：以十大首富關海山的銀行為背景，的家庭商戰片。警察羅嘉良（徐家立）先殺人，害父親養子鄭少秋坐監，後來為求方便與李子雄販毒而進入銀行洗黑錢，再進一步想侵吞集團，被鄭少秋所對付。
天地豪情
集數：62
監製：戚其義
編審：周旭明、鮑偉聰、麥志誠
主演：黃日華、羅嘉良、陳錦鴻、張家輝、郭藹明、蔡少芬、周海媚、宣萱
簡介：羅嘉良由爛賭變上進，入甘氏的「義海集團」阻止中後段無惡不作、不念親情的張家輝（甘量宏）侵吞甘氏家族集團。羅嘉良的角色寫得最好，但演技最搶一定是張家輝。而且就算無跟足都會聽過後者一句「佢當我兄弟？我當佢契弟！」
創世紀、創世紀II天地有情
集數：2輯合共107
監製：戚其義
編審：歐冠英、周旭明、司徒錦源、梁敏華、湯健萍
主演：羅嘉良、郭晉安、古天樂、陳錦鴻、郭可盈、陳慧珊、蔡少芬、汪明荃、秦沛、郭峰、邵美琪、馬德鍾、吳奇隆
簡介：講羅嘉良（葉榮添）、陳錦鴻（許文彪）、郭晉安（馬志強）白手興家創立「力天世紀」，但守業更難，以致三人反目，許文彪更賠上性命。其同母異父之弟古天樂（張自力）為其復仇，以「數碼城」對抗葉榮添的「無煙城」，又起一番廝殺。此劇側寫商界/地產之殘酷和人性的陰暗，絕對比戚其義後作《天與地》更「神」。
流金歲月
集數：45
監製：梁家樹
編審：歐冠英
主演：羅嘉良、溫兆倫、宣萱、林峯、葉璇、石修、向海嵐、黃淑儀、秦沛、駱應鈞、胡杏兒、陳國邦
簡介：鼎豐金業主席羅嘉良（丁善本）被失散兄弟警察溫兆倫針對，二人相認後合力對付終極奸角二叔駱應鈞。家庭仇怨兩位主角駕輕就熟，石修、駱應鈞連帶林峰做奸角都交到戲，一對「弱智人士」胡杏兒和陳國邦更是意外驚喜。
富貴門
集數：41
監製：莊偉建
編審：劉彩雲、盧美雲、蔡淑賢
主演：呂良偉、羅嘉良、郭可盈、袁詠儀、馬德鍾、薛家燕、戚美珍、劉兆銘
簡介：羅嘉良（沙富來）冒認為萬基銀行創辦人私生子卓一鳴，入卓氏一家上位爭家業。劇情太多甩漏、犯駁，導致劇力太虛，浪費了演員。
而家嘅TVB一邊捧親生仔女，一邊定時定候必請外援回巢孭飛重劇或帶新人，近年嘅例子，主演有黃子華、吳鎮宇、歐陽震華、黃秋生、湯鎮業；綠葉就有潘志文、梁崢、吳岱融。其實2013年羅嘉良亦承認曾志偉監製之劇有搵過佢回巢，但到咗舊年年中仍然聲稱未有檔期，今次終於都成事啦。
不過又無需開心得太早，因為與上述幾套「食糊之作」唔同，今次因檔期而只有20集，而且編審、監製多數已離巢，睇說客黃偉聲嘅往績亦少有商戰片；加上班底方面，暫時已知有黃心穎同鄭俊弘參演，牌面都幾趕客。當然，撈家fans，必睇！亦可再次嘗試鼓吹TVB翻播上述經典劇集咯。羅嘉良回巢TVB拍《與諜同謀》
|
鍾意就快D Share啦！
|
|
|
