佢係靚女一名，好多男友，幾船家常便飯. 佢有落 club 玩，我舊時都有落 club 玩、溝女，but 人大了戒左，但佢而家間唔中都依然有落～
計下，識左佢都七、八年. 但我對佢從沒有發展意思，同佢由大學師兄妹關係到畢業後幾年到而家，亦只係好朋友，冇曖昧過、當然亦冇其他更親密接觸過. 但過去，不論我地各自有冇拍緊拖，我地耐唔耐得閒都會隨意咁見面、平常社交、食飯睇戲唱K, 有時一大班朋友、有時單獨. 其實佢唔開心，都幾鍾意搵我聽佢呻、尤其佢 d 感情煩惱.
今晚，佢又搵我呻. 過去好多時，我只係聽多，因為覺得只係朋友，冇必要干涉批評佢、唔會同佢分析太多野，基本安慰下佢陪下佢氹下佢我覺得已經係朋友責任極限.
佢近排原來比個拍左一年拖度既男友飛左，佢話個男仔家底好條件好，佢話佢好鍾意個男仔，話今次好認真、真心、甚至有心想嫁比個男仔.
但係個男仔屋企人唔鍾意佢、覺得佢唔正經. 佢地因為咁成日鬧交，結果分埋手........ . 老實，佢講乜我聽乜，亦冇八卦問深入 d，所以其他詳情我唔清楚.
一如既往，今晚我都冇比咩意見佢，只係叫佢睇開 d, 陪佢食飯飲野聽完佢呻之後就送佢返屋企. 但今晚，佢突然問左我一條過去從來未問過我既問題，佢問我 ：" 係咪蒲過任性過就唔值得有好男仔信任、係咪冇資格爭取好男仔....." ...... 好突然，我啞左，唔識答佢.....
果一刻我唔知講咩好; 我唔想話佢，因為我覺得我冇資格去批評佢改變佢引導佢 d 乜，話佢有咩問題分分鐘反面連朋友都冇得做. 但作為 '老朋友'，我亦唔想呃佢氹佢、覺得咁係害左佢. 我係想佢好既......., 但應該點答佢好 ？
來源 source: http://ww.circle01.com
|
鍾意就快D Share啦！
|
|
|
