【1.太恨嫁】
閃婚情節一般只發生喺女神身上。結婚對男人而言系一個承諾，一個責任，所以一般會花上一年數載去確定一個女人系咪娶得過。相識冇耐就連番明示暗示要同佢過人世，仲話要生三五七個，就算系女人都要諗諗，更何況系男人？
摧情對白：你有冇打算幾時結婚呀？而家D結婚擺酒好貴呀！結婚戒子最好鑲鑽我已經諗定將來嘅仔女叫乜名……
【2.太黐身】
一星期要見足七日，剛剛見完面轉頭又要傾電話，仲要plan定下次約會做乜好，拍拖勤力過返工，未必個個男人都撐得住。如果你唔需要私人空間，就要搵個同你一樣唔喜歡獨處嘅男人，否則下年呢個時候你依然會酸溜溜。
摧情對白：點解你冇拍拖嘅？點解唔復我微信呀？我朋友圈發嘅相點解唔點贊呀！（每日一次）我好掛住你……
【3.太有壓力】
能夠令男人甘願隨傳隨到、主動幫你孭手袋、自動埋單等算你有本事，但若要你下下出聲，唔踢唔郁，未必系個男人唔夠醒或冇風度，而系佢當刻未有興趣獻殷勤。如果喺呢個情況下你主動提出要求，男人會聯想到服侍公主嘅壓力。更普遍嘅情況系，佢滿足唔到你嘅期望時，你忍唔住黑面又或改變態度，佢可能會覺得你難以理解、麻煩、情緒化，同你一齊壓力大過返工。
摧情對白：個袋真重，有人幫我拎就好喇！我冇意見，你想點就點。
【4.太貪玩】
調情系一段愛情嘅啟動密碼，但若然你同好多男士都調情，仲要被你心儀果位見到，佢妒忌或會令你覺得幾好玩，甚至有D飄飄然（有情場新手甚至會用呢招來試探對方），但佢可能因此而認為你系一匹到處留情嘅野馬，不易馴服。此外，男人對喪蒲喪劈嘅女人也會敬而遠之，發酒瘟又喊又叫實在不可愛，別妄想酒後失儀的你能引起佢嘅憐愛。
摧情對白：#%&*@$@$^XY#@（酒後胡言亂語）
【5.太消極】
天生悲觀的人不代表不快樂，可以藉著知識及經驗去讓生活精彩起來。可是，若你時刻擺出一副世界末日嘅態度、經常自怨自艾，對方要成日支持你可能有朝會身心俱疲，也很難幻想將來同你一齊可以有幾開心有趣。另一情況系，或許你經歷過唔少感情缺失，想拍拖但又怕再受傷害，不自覺發出拒絕別人嘅條件反射，男人又點敢埋身？
摧情對白：我唔信自己會有人要。我知道自己會孤獨終老。我註定系失敗者。
【6.太挑釁】
挑逗就話男人最愛，挑釁就剛剛相反。冇乜邊類型嘅男人會喜歡同無事惹火頭、針鋒相對、態度強硬嘅人相處，對方系男人就話可以打佢一身，系女人的話就唯有退避三舍。對傳統或自信較低嘅男人而言，主動有時等同挑釁，尤其女人主動做一般被認為系男人應份嘅事，諸如搬重物、食飯埋單以至追求等，會令男人失去征服你嘅好奇心。
摧情對白：你唔識就咪出聲陳大文真系廢呀！你可唔可以做我男朋友？
【7.太深閨】
怕丑小女孩冇攻擊性，相當討男人喜愛。不過，假若你怕丑到放工放學後即刻返歸，拒絕朋友聚會，成日頭耷耷，唔敢對異性微笑或傾談，就算有人主動搭訕，你可能更會驚到九秒九閃人，除非對方面皮厚過字典，否則邊個同你溝通到，又遑論談戀愛呢？
摧情對白：……（靜）
【8.太八婆】
十個男人十個都怕八婆，唔鍾意女人諸多批評，更討厭女人雞啄唔斷講是講非。可能你心諗有D極級八婆都有人娶，但你又點知人哋系咪被男友食得住，喺男友面前系咪判若兩人？因此，唔想嚇走好男人的話，八卦話題都系留返姊妹
|
鍾意就快D Share啦！
|
|
|
