《無心法師》新男神韓東君起底 。。。
內地人氣劇集《無心法師》近日在無綫熱播，劇集有齊型男索女、浪漫愛情仲有密集CG特技等多個元素於一身，漸受觀眾歡迎。另外，雖然劇中一眾演員對港人來說比較陌生，不過無阻男主角韓東君成為劇中一大亮點，俘虜大量女粉絲，現在《新地網》就為大家介紹呢位新晉男神！
韓東君 Elvis Han
出生日期︰1992年7月21日(23歲)
出生地︰哈爾濱
身高︰182cm
演出作品︰《神鵰俠侶》、《山楂樹之戀》、《無心法師》
韓東君家境不俗，初中時去到加拿大留學，回到國內後被資深製作人於正看中，在電視劇《神鵰俠侶》中飾演武修文一角，成為佢的出道作。其後在人氣網絡劇集《無心法師》擔正做男主角，飾演捉妖法師無心，英俊相貌已令佢即時人氣急升，更不時在劇中大曬健碩肌肉，睇到唔少女觀眾尖叫！正式奠定新一代男神地位。
通常每當一個新人上位時，都會封為「翻版乜乜」又或是「嫩版乜乜」等，不過韓東君的情況就比較特別，因為網民認為韓東君的樣貌係集多個男星之大成，劉燁、彭于晏、王力宏、黃曉明、吳彥祖……多到數唔曬，你又覺得佢似邊個？
比起佢在《無心法師》中的薯爆髮型，換番個時裝look的韓東君似乎更有魅力！
戴番眼鏡，即刻變薯，得咗！
韓東君除咗係一位演員，原來仲係一個職業賽車手！韓東君的父親曾經係八一隊的越野摩托車選手，所以佢自小耳濡目染下，亦都愛上賽車，在2013年考到中國汽車運動協會的賽車駕照。
另外雪地機車同滑雪一樣難唔到佢！
但正所謂人無完美，幾正的男神都會有其缺憾！網民就話韓東君同另一位美國男神Lucky Blue Smith都一樣，係屬於「笑不得」的類別，一露齒笑就魅力驟降，表情僵硬曬，勁唔自然！睇番上面咁多韓東君的靚相，又真係冇見到佢露齒喎！
全文完
來源 source: http://ww.circle01.com
|
鍾意就快D Share啦！
|
|
|
