葉劉明知皮草招來批評，但昨日依然故我，繼續貼披上起碼用了60隻水貂屍體的皮草之相片。
披著皮草嘅行政、立法會議員葉劉淑儀，連日嚟都被關注動物嘅團體同人士抨擊，但係呢!佢就一於少理，之前接受立場新聞訪問時仲解釋：「食牛肉，其實仲唔環保，因為畜牧業產生好多溫室氣體，而且亦唔人道；反觀美加嘅養殖皮草，係養幾百萬隻，o依家已經係環保，有埋網頁Fur is Green，時代已經轉咗。其實養殖Mink可能比養雞、養牛更人道，個潮流已經轉咗，佢哋唔知咋嘛。」
葉劉明知皮草招來批評，但昨日依然故我，繼續於fb貼出披上起碼用了60隻水貂屍體製成的皮草之相片。似是樂在其中。
連鄭中基都睇唔過眼，繼之前係facebook寸爆創科局局長楊偉雄自稱見過Steve Jobs後，今日再喺facebook發聲：「其實著皮草的而且確唔係犯法嘅，係個人X啫。」貼文甫出，即係觸動到好多網民嘅神經，紛紛留言。有網民直頭話:「其實佢應該用牛歡喜皮整件皮草啦，咁先襯佢!」
此外，今日動保界終於忍唔住，聯合多個愛護動物團體，如動物公民、NPV非牟利獸醫、香港野豬關注組等等發聲明強烈譴責葉劉淑儀女士。聲明中指出：「就新民黨主席葉劉淑儀鼓吹穿皮草，還指和食牛肉一樣，19個動保團體今日作出聯合聲明，強烈譴責葉太的言論，要求她糾正言論及向受害動物道歉。」
聲明中亦提到：「作為立法會議員和行政會議成員，葉太應做的，是促進香港的文化文明水平，而不是把香港推進『唯利是圖』的單一窄巷。葉太的言行，反映了她的淺薄無知與冷血，與世界文明趨勢背道而馳。我們強烈譴責葉劉淑儀把穿著皮草合理化的做法，要求她糾正相關言論，並向所有受害的動物道歉，以正視聽。」
來源"
http://hk.apple.nextmedia.com/enews/realtime/20160129/54704439
|
鍾意就快D Share啦！
|
|
|
