近日興起MK Pop，何謂MK，其實好抽象，總之有啲人就算一身潮服，仍然難洗濃厚MK味。萬一再配上大量MK行為同裝扮，絕對如魚得水相輔相成，即時變身最終型態嘅MK仔女完全體，橫行潮特旺中，稱霸砵蘭街！
紋身
紋到全身同對手都係龍鳳虎嘅，有霸氣，但MK喜歡紋全黑圖案，而且最愛紋喺可以遮到嘅地方，例如背部、後頸、後腰、腳踭或小腿，屬又要威又要戴頭盔嘅佼佼者。
烈火戰車
嘴邊濕透是淚，我深信影響MK文化最深嘅唔係o靚仔南鄭伊健，而係華弟劉德華。Fairing機車係MK鐵騎最愛，揸貨Van可能身不由己，但都盡量滲入MK元素， 例如貼貼紙，貼日本漢字貼紙。
奇妙配襯
MK仔其實好有風度，最鍾意幫女朋友拎手袋，而自己亦愛LV、Gucci等斜揹袋或腰袋，共通點有一個，就係個袋好細。
睇社團漫畫
舊式香港漫畫中，以黑社會為題材嘅一直都有，以往鍾意用寫實風格配上明星臉相，最熱們係劉德華，仲有張耀揚。o依家市面仍然有古惑仔、火紅年代黑骨棠等漫畫，可以捲埋插喺後袋，好型。
電話播歌
電話聽歌好正常，但唔戴耳機聽歌就太有型。除咗聽歌外，仲會打機，唔知點解要唔戴耳機又校到咁大聲，我諗因為MK仔崇尚自由，鍾意同人分享。另一個講法係唔理人感受，冇公德心。
蒲機舖
自從網路發達，人人屋企有電腦之後，已經好少去機舖。而香港大多數小型機舖o依家已經冇日本最新遊戲機，只有鬥地主、老虎機等大陸遊戲，其實手機同電腦都有得免費玩。
每周打邊超過3日
「喂！今晚食雞煲！」、「今晚約咗食麻辣喎。」呢啲說話，好正常，冇問題。但如果換上：「喂！今晚打個邊先」成件事即刻MK曬！MK仔女尤其喜歡打邊隊啤，明明打邊爐食緊飯都要猜兩板，不過講到最有代表性，都係檯上面一碟雞子。
爆粗
o依家香港咁嘅環境，你提起振英，爆粗係人之常情。不過MK仔女係無論激唔激動都會加入大量粗口，例如每講一句之前都會無意識地加上XXXX四個字先。
穿耳
正常穿耳戴耳環無問題，你係掟吉他愛與和平搖滾不死嘅Rock友，穿到成身窿亦都有風格。但MK仔就尤其鍾意穿耳之後戴上仿鑽石粒狀耳環，以為好型，其實已經係上兩個Lap嘅事情。
染金毛
日本潮流年年都變，今年就興黑髮。不過MK潮流就天長地久，一直都係金髮，無論男女不論長短都要金毛。收成期係染髮後兩個月左右，頭頂生番黑色頭髮出嚟，為之最純正MK風味。
「MK人」，或稱「MK仔」、「MK妹」、「MK」，按表面詞意應是指居住或經常出現在旺角的人，但實是貶意地指那些盲目跟隨潮流卻又不倫不類的人的統稱。
從前，旺角是柴米油鹽衣物等的貨物集散地，沿海為主要貨運碼頭，蔬果肉類海鮮等均經此上岸及散貨，因此成為了黑社會派系必爭的「油水區」，三山五嶽，各路人馬均眾集於此，建立他們的小王國，開展他們的「生意」，毒品交易，黑市買賣，煙寮妓院應運而生。繁華的旺角就成為各路人馬的盤踞地，區內的另類消費場所，如召妓場所（俗稱「馬檻」）、的士高、夜總會等，自然仍有很多黑人物在此區活動。
黑社會人士當中有些年青一輩為要突顯自己的身份，便在身體及衣飾風格上花點心思，使人們覺得他們是與眾不同；他們會參照潮流動向，跟隨外國或日本方面的潮流打扮，卻加入一點點的自我風格，成為別樹一套的潮流形相；因此類形相之人大多在旺角出現，故此便有人創作了「MK人」一詞。
然而，有些並不是黑社會人物的年青人，對於潮流時尚不太熟悉，卻又不想落後於人，於是便參照街上那些所謂「型人」會怎樣穿戴，模彷一番，因此亦被歸入為「MK人」一類。
雖然時代一直演變，但「MK文化」可謂歷久不衰，亦因智慧型手機、社交網絡等興起，由街頭流行至網上。
新舊MK大格鬥 霆鋒激戰天堂鳥
「那個叫做正義，那個戰無不勝......」那個火紅年代燃起的煋煋之火一直在燒，經過年月的洗禮，以不同面貌燒到眼前！究竟是長江後浪推前浪，還是老而彌堅勝新鮮?今日，就讓大家看看，新舊世界的MK吧！
記者：薛國斌 攝影：馮嘉文
當年電影《古惑仔》帶起MK熱潮，仿傚浩南、山雞的青年滿街都是。黑色緊身背心、不能再爛的牛仔褲實屬必備。龍、虎......貓狗蛇等紋身任君選擇，再頂上一頭七色的毛，就成為元祖開山MK仔了.....不，且慢，真MK是由內到外再到內的，與人對望不盯上一盯，噓寒問暖一下（多數慰問母親，很有心），怎算是MK兒女？（沒錯，MK妹也很喜歡慰問娘親，技術上我不懂，但也是有心的）
不過，這類Classic MK已經買少見少了，取而代之的是MK POP！在韓風炸裂的年代，MK也與時並進，《數碼暴龍》式合體組合因而誕生。半韓造形骨子裏滲著淡淡的早古味道（早期古惑仔味道），再加上一口流利的MK語（由多種網路語言組成，當然也常噓寒問暖），造就出稀奇景象：試想像過志雄（大佬Ｂ）跳《Ringa Linga》。（不解釋）
如此看來，新舊MK不過是舊酒新瓶。但，這就是青春，我們也都經歷過。願有天在街上碰上MK時，我能報以一個微笑，致我們終將逝去的青春，致我們美麗如惜的年華。
|
鍾意就快D Share啦！
|
|
|
