女仔問：我係咪好鹹濕呀？唔知幾時開始，男女之間嘅競技當中，會有好多不成文規則。就好似雙方嘅互動最好係由男方開始，女方必須要做鵪鶉嘅一個。如果唔係嘅話，佢就會被人感覺唔要面，太隨便；嚴重起上嚟，話你淫 蕩都仲得啦。
其實呢一類古老思想遺留落嚟嘅約定俗成，去到我哋而家啲一代，已經好似唔太稱身。「男女平等」呢四隻大字都講得幾十年啦，點解女仔喺自己最重視嘅情感範圍上面，唔可以做主動？
阿明係我朋友，佢最近鍾意咗一個女仔。佢哋經常出雙入對，生活入面充斥住嘅，都係大家嘅氣息。雖然呢個只係一個好典型嘅愛情故事開端，但阿明感覺到，啲一次佢想有唔同嘅變化。
個女仔叫Ceci，係一個剛烈知性嘅現代女仔，鍾意鬥氣，佢認為阿明講東佢講西就係一種樂趣。阿明經過朋友介紹之下，認識Ceci。
一切都嚟得好自然，阿明甚至唔覺得自己係溝緊Ceci。因為一段感情，要用到個「溝」字，唔知點解硬係就覺得低咗一級。我哋更願意相信，所有嘅人與事都係來自天意同緣份，你可以覺得係矯情，但愛情入面其實一早就包括咗矯情架啦。
有一次，因為一個巧合，Ceci就上咗阿明屋企。阿明發誓真係巧合，但佢最後都冇同我講有幾巧同有幾合。喺一個獨立私人嘅地方，佢哋兩個人就將自己嘅心跡表露出嚟。
只不過分別係，阿明用把口講出嚟，而Ceci係用把口錫出嚟。阿明從來都冇諗過，平時講一句頂十句，總係將自己裝扮得一身防衛嘅Ceci，會對自己咁主動。
佢哋最後由咀嘴到發生關係，都處於一個角力嘅狀態上面。Ceci嘅熱情，令阿明覺得自己要再積極啲；但阿明嘅再積極，就更激起Ceci嘅天生女人本能。
阿明呢一刻終於知道，男人天生鹹濕呢句說話唔一定啱哂。因為喺呢一次嘅經歷上面，佢完全感受到自己喺鹹濕層面上嘅不足，佢完敗啦。
完事之後，Ceci攬住阿明問：「我係咪好鹹濕呀？」
阿明呆一呆，知道愛係坦誠同忍耐，所以佢答Ceci：「都幾。」
Ceci面紅一紅，將自己個頭埋落阿明嘅心口度：「我鍾意你。」
「我都係。」阿明拍拍Ceci個頭，笑住咁答佢。
我係咪好鹹濕呀！
|
鍾意就快D Share啦！
|
|
|
