近年，TVB劇集經常被指質素下降、劇情乏味、演員演技唔得等等。起初都仲話有陳豪、楊怡、黎耀祥等經驗豐富慨演員頂住，不過唔知系唔系被藝員離巢潮影響，定系啲觀眾望得佢哋太耐，唔少人都認為呢班經驗豐富慨演員開始有啲「演技倒退」。有香港論壇就搞咗個投票，睇下邊位演員系大家公認開始「演技倒退」慨——
目前走勢系：
第五名：馬國明
出名「天然呆」、形象乖乖仔慨馬國明，以前深得各位OL、師奶歡心。不過始終做演員需要做唔同慨表情，望住個「呆」樣咁耐，啲觀眾好難唔呆埋一份。
第四名：黎耀祥
貴為視帝慨黎耀祥演技出名冇得彈，不過佢近排做慨角色冇一個特別，突出唔到佢慨長處，仲搞到啲觀眾都厭埋。
第三名：鍾嘉欣
樣貌清純慨鍾嘉欣一出來拍劇雖然經常被人話佢演技幼嫩，但系個樣都可以keep到班觀眾。不過始終演技有限，自從佢喺《點解阿Sir系阿Sir》及《玩嘢王》慨爆喊演技之後，啲人都認為佢凈系識演喊慨戲份，好似佢喺《華麗轉身》慨演技就被人勁彈佢演技浮誇。
第二名：陳豪
以前講用心拍劇一定會有陳豪份，不過唔知系咪因為有咗小朋友同老婆之後，就開始被人有種佢系hea拍慨感覺，好似想快啲收工陪老婆仔女，唔少人都話覺得佢自從結婚生仔之後就唔同曬。
第一名：楊怡
楊怡個樣出名夠Sharp（當然個木偶鼻有唔少功勞），但系就有人覺得佢好似成日都好攰，無力拍劇咁，仲套套表情都差唔多。咁又唔怪得佢慨，有個花弗男友，當然要花多啲精神昅實佢，大家體諒下希望佢可以憑《收規華》入面慨自梳女角色，令網民對佢慨演技改觀
來源 source: http://ww.circle01.com
|
鍾意就快D Share啦！
|
|
|
