除了在 hall煮飯仔， Lev和 Charity亦會到西貢的 pub飲酒食飯，行往親暱之餘，更突然來個超浪漫擁吻。
Main Camp 戀俄國男等結婚 科大女：老蘭港女影衰香港人！
早前一段港女蘭桂坊擒老外片在網上瘋傳，其實由當年 A&F在港開店，一班港女慕名睇仔兼任摸，到今次老蘭港女事件，港女情迷老外是常識。
只是異國情未必純係貪慕虛榮兼一夜 情，現讀科大的張倩珩（ Charity）及來自俄羅斯的留學生 Lev Kalachev便有真愛有將來，二人拍拖已有七個月，他們每天在宿舍一齊溫書煮飯仔再落 pub談心，見過家長之餘，更視對方為終生伴侶， Charity直斥老蘭港女：「影衰香港人！」
Charity一把九一分界女神頭，黝黑皮膚襯 one piece短裙及沙灘拖，是港仔口中的「 A&F look」兼典型「偽 ABC」，而 Lev則一頭棕金髮配上港女最愛的藍眼睛，白皮膚，有七成像《吸鬼新世紀》男主角 Robert Pattinson。二人以流利英語對話，相望時情深款款，長期連體攬到實。講到近排全城熱傳蘭桂坊港女事件， Charity即說：「你玩人，人哋都會玩番你，總知影衰香港人！」
Lev知 Charity鍾意影相，就送了一部 Lomo相機給她作訂情信物，對方亦以手錶作回禮， Charity說：「禮物唔洗貴，最緊要講心思！」
最近熱爆的港女搭上老外片中，港女玩港男揀金毛，即時被網民指崇洋 cheap爆，而 Charity就鬧對方影衰港人！
鬼仔話錫就錫
由小學到中學都讀香港加拿大國際學校的 Charity，自爆拍過十次拖，但愛外國人則是第一次：「開頭會覺得外國人好寸，好貪玩，拍拖可能都係 for fun。」 Charity在科大修讀環球中國研究， Lev則讀工程系，本來大纜也拉不上， Lev以流利英語說：「一見到 Charity，我就對佢有 feel，但我哋得一堂 common lesson，為咗見佢，每星期我都逼自己早起身上堂見佢。」 Lev追 Charity發現二人原來住埋同一宿舍（ Hall 7）， Lev更加借勢一齊溫書、煮飯、談心，短短十多天就成功溝掂 Charity。
有金髮靚仔男友羨煞旁人，但拍拖初期連自覺鬼妹仔性格的 Charity亦感不習慣，「之前同 local（港仔）拍拖，佢哋唔俾我著短褲背心，又唔俾我同其他男仔 friend太親密，但 Lev就會好信任我。佢唔會理街嘅人點睇，成日都會喺街同我 kiss，我開頭都唔慣，不過諗返都係愛嘅表現，之前我爬龍舟整親腳，佢由 hall揹我上課室上堂，要經過校園俾其他同學見到都唔理。我慢慢感受到佢係對我認真。（咁佢（性）需求大唔大？）同港仔差唔多」
最愛陽光
沒有去過海洋公園、迪士尼， Lev和 Charity最愛到海灘過二人世界， Charity說：「我哋最鍾意去近科大附近嘅三星灣，貪佢少人，可以二人世界。」
港女易識
Lev（紅圈）坦言自己偶然亦有與外籍朋友到蘭桂坊夜蒲，他們都直認，好易識到港女，不過 Lev卻不會去老蘭搵女友。
俄妹愛美國男
港仔葡萄歐美鬼仔溝港女易過食生菜，估唔到來自俄羅斯的 Lev都深同感受，「喺俄羅斯，喺女仔都特別鍾意美國同歐陸男仔，覺得美國仔好玩得，講嘢好笑，思想又開放啲，唔似我哋（俄羅斯仔）咁老土！」
拍拖七個月， Charity同 Lev在宿舍朝夕相對，見過家長之餘，亦視大家為終身伴侶！ Charity說：「想同佢結婚！無論將來佢想 stay喺香港，返 Russia定去邊，我都會跟住佢。」一講將來成家立室， Lev亦即時 sweet爆，「我想同 Charity生一仔一女！」同老外拍拖有真愛，一樣大把人支持，蘭桂芳港女唔該學嚇嘢！
俄仔多浪漫
港女情迷老外，除了因為外國人高大靚仔，仲比港仔特別有情趣。 Lev與 Charity同宿， Lev又煮飯又唱情歌冧女方， Charity亦 sweet爆說：「佢份人好搞笑，會成日講啲好 sweet嘅笑話氹我！」
彈唱情歌
Lev將自己的吉他放在 Charity房間，一得閒就會在房大唱情歌給 Charity聽。睇嚇 Charity個眼神冧到呢！
俄菜招呼
二人經常在 hall煮飯仔，間中 Lev都會親自煮俄國菜俾女友試，不過原來兩人飲食習慣大有不同， Charity說：「我食齋，但佢冇肉不歡，有時諗煮咩食都諗好耐。」
Akpsi登陸科大搞派對
除了去老蘭， Akpsi亦會定時搞 Beach Party，一班人喪玩喪飲，吸引不少外國學生參加！
國際學生組織 Akpsi，專門舉辦慈善活動，學術交流，甚至到外國實習，但上年 5月登陸科大，就變成交流生開 party組織，科大 Akpsi始創者，日籍工管生 Sho Takei表示：「我哋每星期都會落蘭桂坊開 P，主要喺 PLAY及 Boujis！」想識佢哋就準時出現
Main Camp：
Main Campus簡稱，意即主校園，各大專潮人潮事當然離不開 Main Campus。
|
鍾意就快D Share啦！
|
|
|
