我同女朋友都係26歲, 大家一齊左半年啦。係呢半年入面, 所有拍拖既錢出都由我出曬, 頭果3個月咁岩又情人節又生日我平均每個月拍拖都要洗成萬五蚊以上, 出完糧比完屋企自己洗費都要每個月銀行貼多1萬蚊出黎先搞得掂。
係最近呢3個月洗少左但都成7千蚊一個月。我同佢一齊果時銀行都係得幾萬銀, 到而家都用埋, 上個星期真係將部車都賣埋, 套現返幾萬蚊算係鬆動一下。
無論拍拖所有既活動都係我比, 佢完全唔會比一蚊, 咁其實係點解呢? 係自私? 驚蝕底? 真係貴或平果d野都唔會出錢架喎。
好似得我一個係度拍拖咁, 又好似我係度洗緊錢追緊佢咁樣, 真係好累好無隱。如果食10餐, 個男仔出8餐我覺得ok丫,
大家一齊開開心心付出落去後感情嘛。我搵2萬幾, 佢搵8,9千一個月, 但都唔係呢個問題架, 我請您食3百蚊, 咁您請返我食大家樂都可以架........
同佢去過廣州去過澳門, 佢都真係完全無分擔過個洗費, 食反搭車都係冇任何想比錢既動作, 完全係等食同等玩,
我同以前既女朋友去旅行都唔會咁喔, 我d朋友同女朋友去旅行直頭係AA制, 不過AA制就唔係太好啦, 有D係男仔出左團費, 咁去到食反同厄就由女仔比。
佢既concept入面係無論拍拖, 旅行, 結婚都係應該由男仔出曬, 我真係覺得同佢一齊好大財政壓力, 真系好大負擔。點算好?
佢仲同我講想2年後結婚, 我最近同佢講過我每個月唔係太儲到錢, 咁而家每次食反佢係會話食平d, 但卻唔係話佢自己一齊分擔下....
我本身每日返工都要做到凌晨之後先走得, 星期六日又要OT, 我而家係想搵多一份part-time幫輕一下自己, 二來佢又唔想太遲結婚。
來源 source: http://ww.circle01.com
|
鍾意就快D Share啦！
|
|
|
