有個女同事N小姐，２６、７歲，本身都幾靚，月入平均有30k，但佢都幾港女性格，講明想釣金龜，響公司人緣麻麻，不過做野ｏｋ，老闆幾睇佢，所以大家表面上同佢有講有笑，間唔中傾下心事添。
話說N小姐一向多人追，年中成日收花，但佢全部唔吼，話人地唔夠有錢，直到最近，N小姐忽然自稱拍拖，仲帶佢位新男友出席公司聚會，對方大約35、6歲，唔算靚仔，有Ｄ地中海，係一間酒吧既Bar Tender（並非老闆，間酒吧亦唔出名），月入只得13、4K，比N小姐少一倍有多，我地成班同事都嚇一跳，以為N小姐轉死性。
殊不知今日有同事同N小姐傾開，先知佢另有盤算，真係唔會死錯人。
原來，N小姐話佢雖然人工唔錯，但要供細佬妹讀書（佢阿爸阿媽退左休，一家五口住緊屯門一私人屋苑），又要供樓又要畀家用，每個月實際得七、八千蚊駛，反而佢男友雖然人工低，但屋企其實有Ｄ錢，不過佢阿爸阿媽係專業人士，所以無家族生意畀佢打理咁解。
N小姐又話，男友住屋企揸屋企車，連入油都用屋企油卡，完全唔駛畀家用，基本上份13、4k既糧，可以任佢搣，佢老豆仲出左張附屬卡畀佢，但好似有限額既，每個月最多碌2萬咁上下。
難為N小姐仲沾沾自喜，話「佢每個月有成差唔多3皮野駛，正到暈啦，日常消費照起曬之餘，仲間唔中送下名牌比我，老實講，佢做野係廢（居然咁踩個男友）、書又讀唔成（N小姐本身大學畢業），所以佢老豆老母Ｄ投資，都比曬佢Ｄ家姐阿妹去搞，但佢始終係唯一既男丁，我唔信佢將來結婚，佢屋企唔送層樓畀佢囉！再唔係到佢地瓜柴，Ｄ身家咪又係留畀個仔，無理由畀Ｄ外嫁女卦？」
我地個個聽完都啤一聲，咁既女人都有，唔知話佢深謀遠慮定賤好呢？
來源 source: http://ww.circle01.com
|
鍾意就快D Share啦！
|
|
|
