無端端比女飛左但唔知死因？講真好多時候都係「事出必有因」嘅！雖然情侶間突然分手都各自有自己嘅理由，但綜合大部分男人所得嘅答案，你比得人飛就多數離唔開呢15個原因嘅者！唔信？你自己就check下自己情史裡面中左以下幾多樣？包保你睇完有所領會，立即開竅！
15個可能令到你被女飛嘅真實原因
1. 喺女朋友面前睇甜片
女友：「咁者係代表我唔夠吸引，滿足唔到你啦下話？」咁又係嘅喺你個女人面前睇第二個女人，難怪佢會妒嫉嘅！
2. 同女朋友親熱叫錯名
你：「阿珍～～」女友：「阿珍？邊個阿珍呀！！？」好喇byebye！你女朋友叫阿珠唔係阿珍呀！醒下啦好唔好！
3. 逼個女人做家務
「女人嘅用途就係煮飯同埋打掃！」好多人都會咁樣對自己嘅另一半，當正人地係工人咁使。人地係就係你女朋友但唔係你奴隸呀！！佢唔嬲就怪
4. 無自信
自信過高雖然有機會變成「看得自己那麼高」，但有總比無嘅好，因為咁先可以比到女人安全感。如果你係毫無自信連保護自己女人都唔敢出聲，女方又點會將自己交比你？
5. 唔夠浪漫
男同女對浪漫嘅定義可以差好遠，例如對於唔少女仔黎講，佢地最想嘅就係自己嘅另一半可以當正自己係韓劇嘅女主角一樣，呵護備至，每日都好似公主咁有人鍚同溺愛。由於兩者期望唔同，無一個共識嘅時候好容易就自然會令大家分開。
6. 你太大男人主義
下下都覺得女人係要你保護先得，唔識得放手比自己個女人控制番佢自己處理到嘅問題，而且處處都要由你作主？宜家興男女平等架喇！
7. 吹水唔抹嘴
成日咩都要認第一，就連喺自己女人面前都要做最叻個一個，為左面子咩都吹一餐。長久落去呢種嘅性格缺憾一定會令對方好難受，認清你份人好假根本無樣真。
8. 唔識得睇女朋友面色
「口不對心」坦白講真每一個女人都有嘅性格黎。基本佢越話無事其實就代表佢地越係在乎，如果咁簡單嘅野你都理解／應付唔到，女方自然就會覺得你唔緊張佢，容易離你而去喇..
9. 喺女朋友面前撩女仔
或者你只係想同一個有同好嘅女仔建立單純友誼，但對於非常敏感嘅女仔黎講，你咁嘅動作其實就同撩女仔無咩分別，令佢地覺得自己地位不保，受到威脅，所以好容易令你同女朋友關係開始疏離，最終更有可能因為誤解分開。
10. 興趣差距好遠
女朋友鐘意睇韓劇睇OPPA，你又成日投訴話頂唔順唔同佢一齊睇，但就又成日要佢就你同你去睇Transformers、Avengers。悶死佢啦咁？！
11. 滿足唔到佢性上面嘅要求
親熱嘅時候剩係關心自己需要，唔同對方溝通了解佢想要啲咩，仲滿足唔到對方性上面嘅要求。久而久之，女方就會覺得你只係當佢係性上面嘅一樣工具，覺得您只你利用緊佢。
12. 激動起嚟會威脅女朋友
有時因為火遮眼，唔小心講左啲有威脅性嘅說話，例如「分手啦我地」，又或者威脅佢地話會將秘密講出去比其他人知，咁樣利用人地嘅弱點絕對並唔可取，而且仲唔係漢子嘅行為，女朋友唔走就奇！
13. 成日喺女朋友背後同兄弟談論佢身材
其實女朋友自己嘅，做咩要同兄弟研究佢嘅身材？比女朋友知道左真係會令佢覺得好尷尬，會令佢覺得好唔舒服。咁私人嘅野都成日同人分享
14. 唔記得紀念日
女仔對於日期係非常重視，如果你一次唔記得兩次都唔記得，到第三次都唔肯mark底記住，佢又係會覺得你唔重視佢架喇！
15. 剩係識逃避現實
遇到突發事情唔識得處理，剩係識逃避現實唔去解決問題，呢個係一種超級唔成熟嘅表現，令人對你毫無信心，覺得你識得為兩個人嘅前途著想。因為你比人嘅印象係並唔可靠，自然好難留得住女人個心。
|
鍾意就快D Share啦！
|
|
|
