熱爆娛樂 +: 今次hihi了, 老婆突然話想生仔...

2016年4月12日星期二

是咁的

本人同我老婆結左婚已經3年,起初未結婚個陣我已經同佢講到好清楚話我呢世人都只想二人世界,我冇信心教好&去養一個小朋友云云.個時我老婆都話冇問題(係當時

),佢自己都話冇信心做一個好媽咪.

咁好啦,結左婚呢3年來都好地地,但最近就開始Hi Hi鳥,因為我地身邊有兩個熟朋友都生左BB,一出來聚會佢兩條PK就係咁係到傾湊女經

,傾都算,有時食飯仲要帶埋出黎

,我老婆就係咁係到玩人地個B,又話好得意呀,好趣緻呀咁.咁我當時緊係唔SHOW佢扮傻啦,我諗佢都係過下手癮既je.

點知前幾日同佢出街食飯...係我快想埋單之時,佢突然同我講...對話如下:

:老公你覺唔覺呀A同呀B個兩個女好cute呀,肥嘟嘟好可愛.

:睇就緊係可愛...唔洗你湊嘛,一陣3更半夜要你餵奶換片睇下你仲話唔話佢可愛.

:咁照顧BB都係一種樂趣黎嫁嘛,你睇下呀A同呀B成日傾o的湊女心得幾開心.

:咁....佢地o的辛苦野唔同我地講je...(心知不妙....想盡快結束話題)

:不如...我地都生返個好冇?

(心諗:唔能係嘛)

:你講笑炸下話.......未結婚個陣都同你講左我唔鐘意小朋友..我唔想養同教...,你自己個時都話冇信心做一個好媽咪

:咁我宜家覺得有信心嘛,到時生完最多我放多o的時間去湊去養囉,你咁驚做乜

(開始滾)

:你宜家緊係咁講,生完唔通我真係唔洗湊咩,仲有生仔唔洗錢?...,我將生仔個筆錢拎黎同你去旅行仲好啦

:人地呀A呀B供緊樓都照生啦...我地平時省o的洗o的奶粉錢都係返哂到啦..

:(係呢個時候,我已經明白講咩都係冇用...所以我決定即時逃離現場)我暫時真係唔想生小朋友...遲o的再慢慢諗下先啦好冇?...食完不如埋單渣車走.

之後由返屋企個刻我就同我老婆處於冷戰狀態

,各位巴打覺得我應該點做

我個心真係好能慌,我宜家連訓覺都係等我老婆訓左我先夠膽上床訓

仲有我發現佢尋日有用過部電腦上親子王國

鍾意就快D Share啦！