講少少背景，我本身同男朋友住左一年，係上個月，我地決定接返佢個女返黎一齊住（仲有幾日16歲），
本身呢個月都相安無事，大家客客氣氣，同埋佢有咩要求我多數都唔會托佢爭，大家既關係都好似朋友咁，係今日，佢朝早問佢爸爸，放左學要返黎換件衫跟住出街，男朋友可唔可以上黎屋企等一等佢，佢爸爸就叫呀女問我（射左個波比我），到左晏就佢就問我啦，咁我就覺得冇所謂啦，
換件衫好快姐，就比佢上左黎，咁我全程都留係自己房，佢地就係廳咁啦，隔左半個鐘度，佢地2 個入左房，我完全冇為意佢地做緊咩，繼續係房上網，過多半個鐘，我聽到個女入左廁所沖涼，我已經覺得奇怪，明明一返黎就沖左，又沖？之後我再聽多次廁所企江玻璃浴屏關上既聲音（我直覺覺得係個男仔沖），咁我一直係房冇出去，直到我男朋友返黎，我同佢講返件事，佢話唔會既，唔會咁大膽既，唔係上一上黎換件衫ja咩，我話，換左成個鐘囉
之後我諗可能我自己多心啦，冇理啦，之後我男朋友又出左去做野，因為佢個女今晚唔返黎訓，我會慣性入去睇下佢有冇熄冷氣，點知一開燈就見到垃圾桶有個開左既保險套囉，我即刻影比男友睇，佢send 比呀女睇問佢咩黎，呀女回覆話係朋友塞比佢男朋友，佢地好奇所以打開黎玩下，我同男朋友講，入面有料架wor,仲好多陣味，呀女回覆係清水黎，佢老豆叫佢唔好再講埋d 低級大話，侮辱我地智慧，最後佢老豆問左佢幾次，警告佢唔好再講大話，否則拎個套去化驗，叫個男仔洗定8 月15 等坐監，個女先肯道歉 ，話驚老豆發火先至講大話
之後呀老豆就好似心軟，但就到我黎料啦，
第一：係我既角度，佢2 個係有預某上黎搞野既，否則唔會準備定保險套
第二，我覺得佢個女極度唔尊重我，佢平時係屋企，我同男朋友都唔會有親暱行為
所以我最後比左個方案我男朋友，
1。我話我頂唔順佢個女，我自己搬返走，反正我一向中意一個人住，
2。一係就佢個女搬，叫佢男朋友養佢，2 個出黎做野自己養自己，負返D 責任，到時中意點搞都得，
3， 就係報警，要個男仔對自己行為負責，我男朋友send 左msg 叫呀女唔好再返黎，因為佢完全唔識尊重呢個家。。
佢個女冇再覆啦，係呢件事上面我真係好嬲，我鬧爆我男朋話佢唔識教女，叫佢打比前妻，佢話前妻覺得冇乜野，我即刻話，唔怪得啦，有其母必有其女，2 個都唔識教女，真係好激氣
|
鍾意就快D Share啦！
|
|
|
