我暗戀咗一個男同事好耐，由day one 識佢就覺得佢好take care我，聽日就係平安夜啦!我只係想有個人可以陪我渡過啫！點解都咁難?!
其實前日係我第一次同男仔表白，見佢平時對我好似幾好咁，我以為佢都會對我有啲好感！點知，我同佢表白嗰陣，佢竟然係咁聽電話，又話要去開會，總之，我feel 到佢好似知我想講咩咁，係咁截住我講嘢。
本身我想放棄，但一諗到大時大節要自己
一個過，我就知我一定要同佢講埋，我未講完嘅說話！所以，我一直等，等到佢開完會為止。
男同事一出嚟見到我，佢就話: 我知你未走，有啲嘢想同你講！嗰一刻好似當年hkcee等放榜咁，我隻手出哂汗，唔知佢想同我講咩。。。
男同事望咗我十幾秒就問我，識我咁耐你覺得我係點？
我話:幾好，幾成熟啊！因為我嗰時只係諗到呢啲，佢望住我嗰十幾秒，我對眼根本唔知望去邊好，隻手又勁濕，超尷尬。
我答完個男同事之後，佢話:你錯啦，如果你覺得我成熟，係因為你唔成熟！我思想其實好小朋友，只係因為工作上，我入職得耐過你，所以講啲嘢好似好有point咁。其實我從來都唔覺得自己係成熟。
我話: 唔成熟唔緊要，我都唔成熟。。
男同事話:但係我鐘意成熟啲，所以特別中意同成熟嘅女仔相處！
我話: 做咩突然咁認真? 你想講咩? 你唔係以為我中意你牙?
然後，我就話:其實本來諗住問你去唔去打邊爐咋? 不過，咁夜，都係唔打啦!我走先啦!
我嗰日另轉身，講完呢句嘢之後，除咗公事上嘅嘢，就無再同呢個男同事講嘢!
其實我依家返工見到佢，都會覺得好難受。我諗咗好耐都唔明，佢成熟嘅定義係咩?
來源 source: http://ww.circle01.com
|
鍾意就快D Share啦！
|
|
|
