平時去日本都一定會行下100yen鋪頭，事關好多時都會收埋一啲得意嘢。最近有網友就搵到100yen Macbook散熱，不過就唔係買，而係用一堆10yen DIY。 有試過將MacBook放上大脾用嘅朋友，應該都有試過用得耐被部機辣親嘅經驗，而機身過熱始終會減慢效能之餘，長遠仲會機件有影響，除咗搵把風扇吹住仲有咩好計幫助散熱？日本有網民就本住實驗精神，親身用MacBook Pro去做實驗，結果發現原來用10yen銀仔可以幫MacBook散熱。 發現呢個偉大發明嘅網友鈴木秋則，就喺twitter公開呢個開心大發現，話如果MacBook Pro過熱，學佢咁將幾幢10yen銀仔放喺機面鍵盤頂部，就可以加速散熱，一堆加埋都唔使100yen。銀仔能夠散熱係因為10yen用銅造，比鋁製機殼導熱性更高，傳熱自然更快。雖然冇講到底散熱有幾快，不過出街有時未必方便拎把風扇吹住部機，拎幾個散銀出嚟似乎冇咁礙眼。 結果其他人照跟發覺真係Work，甚至有人將方法改良，直接將啲10yen插入底板度添。香港嘅毫子都係用銅鑄造嘅，仲有幾款大細揀，阿媽儲儲埋埋果啲神沙終於另有用途，有冇巴打做勇士試下呢？ 來源︰Twitter |
|
鍾意就快D Share啦！
|
|
|
