女僕Cafe一向主打萌萌又乖巧聽話嘅美少女，唔少男士尤其係小毒毒都非常受落，所以女僕Cafe都興咗好多年，特別係喺充斥小毒毒嘅日本秋葉原，女僕Cafe可以話係隨處可見。不過女僕Cafe都發展咗一段長時間，已經歷許多演變，甚至出埋偽娘版女僕Cafe，仲有咩新嘢玩呢？ 最近秋葉原就開咗一間聲稱「日本第一家」嘅XX女僕Cafe，會給予男士新嘅體驗，以母性爆棚嘅療癒效果擄獲人心！提到母性，自然就諗起乳房，仲要母性爆棚嗰隻，仲唔係Sell巨乳？！係呀，呢間新嘅女僕Cafe個個女僕都「波濤胸湧」，仲份量十足添！因為呢間就係以胖胖女為主打嘅胖胖女僕Cafe～ | |
呢間胖胖女僕Cafe叫「ムチぽちゃメイドカフェ&バーShangrila」，聽聞今年11月尾會正式開幕，目前已經開始為期3星期嘅試賣期。 | |
| 由於近年開始興起肉肉女，加上滿足不同喜好嘅男士需求，所以Shangrila就以「肉肉身材先係萌嘅原點」為宗旨，請來一班肉肉女生做女僕，等男士可以感受到另一種療癒感覺。雖然都係女僕Cafe，但Shangrila就想打破一般女僕Cafe食物麻麻地嘅固有印象，希望提供一般餐廳水準嘅食物畀客人，所以店內嘅食材都係經過特別嚴選嘅有機食材，就算唔係衝著女僕去，就咁去食餐飯應該都係唔錯嘅選擇。 | |
目前試業期間店內都會維持有4至5位肉肉女僕為大家服務，正式開業之後都會有愈來愈多女僕加入，鍾意肉肉女就萬勿錯過！ 講多無謂，睇女最實際！不過以下圖片唔係人人啱睇，如果閣下自問堅怕肥，咁可以直接Skip咗佢。 | |
| ムチぽちゃメイドカフェ&バーShangrila 地址：東京都千代田区外神田3-1-15 箸勝ビル4F |
|
鍾意就快D Share啦！
|
|
|
