| 【Marvel永續】Kevin Feige稱會籌備《復仇者聯盟》般全新MCU大型團隊電影 | |
巴西的全球大型動漫盛事「巴西聖保羅動漫展」（CCXP）本周末登場，Marvel乘機開展一系列的宣傳工作，首要展示旗下新作，包括最前已釋出預告的《黑寡婦》新海報，此外剛剛又釋出全新電視劇《WandaVision》紅巫女與幻視的海報，以及萬眾期待全新擴展MCU電影《永恆族》（The Eternals）的新劇照和即場短片發送，最後更由總裁Kevin Feige親口爆出，未來將會再次製作像《復仇者聯盟》般賺錢的MCU大型團隊電影，讓Marvel除獨立電影外還有團體MCU大電影。年頭大家一期一會以為睇左終局之戰的朋友有無少少被騙感覺呢？一切只係開局唔係終局，反正大家已入「局」。  「巴西聖保羅動漫展」（CCXP）Marvel記者上Marvel首席創意總監（CCO）證實已經有另一部與《復仇者聯盟》相同規模的大型團隊電影「正在籌備中」，不過佢同時強調獨立故事的MCU電影也是他們一直努力專注的製作。Kevin Feige表示：「Marvel電影宇宙（MCU）都是互相連結，但我們絕對一次只專注係一部電影中，我們竭盡所能去製作最好的《黑寡婦》、《永恆族》、《上氣》、《奇異博士》、《雷神奇俠》、《Marvel隊長》、《黑豹》⋯，然後繼續發展佢哋的故事。」之後佢總結，「然後，無錯，在最後能夠睇得到各個作品合體是很有趣的，我要講嘅係，我向大家保證，我地已經預備好籌備團體大電影。 
當然今次記者會嘅宣傳重點係全身嘅MCU新故事《永恆族》（The Eternals），一班超越地球宇宙天界上的角色，大家都關注佢哋同地球的《復仇者聯盟》將來會否又如何連結呢？Kevin Feige答案係：「永恆族已經知道復仇者聯盟嘅存在，不過復仇者聯盟對永恆族一無所知。」 
MCU宇宙當中，唔同角色同故事的連結一直都係Marvel最成功的強項，Kevin Feige早前訪問都曾經講過：「大家對於永恆族唔認識係正常，就好似過去一段時間好多人都唔認識銀河守護隊、復仇者聯盟、鐵甲奇俠。對我們來說，無論大家是否聽過，都可以搵到好正嘅故事，再用一流的方式呈現大銀幕中。 
講返今次宣傳最多人討論關於《永恆族》的預告短片，由於呢部電影作品一直被保密。 Feige係介紹Eternals演員們出場時話：“今次發放的短片係原始鏡頭，只是從拍攝機中直接抽出。 “短片只在場內發放唔會上網公佈。” 當時係場內發放短片其中一個目的係歡迎電影中主要角色的演員上台登場，包括有Druig(Barry Keoghan)，Thena（安祖蓮娜祖莉），Ikaris（Richard Madden），Sersi（Gemma Chan），Kingo（Kumail Nanjiani），Makkari（Lauren Ridloff）和Sprite（Lia McHugh）等星光熠熠陣容。由於迪士尼財雄勢大，我地搵過真係冇人敢直接放佢條短片上網喎，不過相信等一等大家好快就會睇到官方發佈《永恆族》的預告短片。 
反正今日收到Marvel的重點係，這是一個MCU全新的開局，永遠都睇唔到有終局的一日。 
| |
|
鍾意就快D Share啦！
|
|
|
