話說早排收到個紅色炸彈，知道琴晚要去飲，主人家係我以前中學嘅同學。其實都冇乜嘢大問題，但我醒起我地有一個中學同學，佢好做唔做走咗去當差！
點解我會咁諗，因為嗰條契弟由細到大都哈哈霸霸，只係畢咗業之後，大家放低左以前啲野，先肯同返佢玩，gathering都會叫佢出黎。早兩年，佢考左做警察，考左佢做雜差，即係最低level嘅低級警務人員。我哋有幾個中學同學嘅WhatsApp group，都傾左好耐究竟佢嚟到嘅時候我哋應該點樣面對呢一個警察朋友！
利申一下：我同幾個中學同學都係深黃色！當然，我哋未算係好勇鬥狠嘅一班深黃色人士，但你話要打嘴砲罵戰開拖我哋從來未驚過！
喺宴會當晚，我哋幾個中學同學同嗰個警察都偏埋坐同一圍。開席嘅時候大家都係寒暄幾句冇乜特別野傾，話晒都係人哋嘅婚宴，無謂下下都講政治啊。
點知，食食吓魚翅嘅時候，有位低頭族朋友，佢掛住玩Facebook，部電話突然間喺度播示威者嘅片段，個喇叭仲要開到好很大，基本上我哋附近嗰幾圍枱都聽到段示威者嘅片段嘅聲音！
之後嗰個警察朋友就開始來料，佢懶係嘢咁喺度話：「示威者真係好仆街囉！」
然後，我哋班中學同學黎料了。
其中有位同學A：「其實係呢段時候搵幾多錢呢，係咪有OT ？」
之後個黑警就好屎忽鬼咁答：「都有6皮野架！」
同學A：「我屌啊！原來6皮野就買得起你，你嘅人格都幾撚低！做乜嘢有人唔做走去做Condom? 你覺得個政府會保你哋咩，你哋只係爛頭卒，用完即棄，林鄭月娥之後唔撚會再理你地囉，我估計幾個月後，你哋班冚家剷都會俾人拉鳩晒」。
之後其他同學都走出嚟做和事佬，個差佬都反駁唔到。咁其實嘈左兩句都冇乜嘢，繼續食嘢囉！但係去到敬酒環節就出事了…….
我哋扮晒冇野咁就同嗰個警察飲酒，之後無啦啦就有個同學拎咗杯野走出嚟比個警察朋友飲，話同佢道歉敬佢既。
之後，個警察朋友飲完個幾杯酒，就成個瞓低，之後又湯又盛，塊面都青晒。
之後我問返個朋友究竟個杯係乜嘢嚟，原來我朋友走咗去問啲服務員拎咗半支「孖蒸」再溝「威士忌」加一shot「牛奶」溝埋比條差佬飲。
結果之後全程個差佬朋友就語無倫次，好多朋友都拍片拍低左佢，因為佢真係好黑人憎，佢仲醉到連上身衫都除埋。
散席個時，我哋梗係會做好心帶個醉酒警察朋友走啦，結果我哋幾個朋友就抬撚左佢去垃圾房，掉低佢，再用個紅色水桶吸住佢個頭，因為驚太光佢訓得唔好。之後我哋就走左了…..然後佢都好安祥咁訓左係到，我諗聽朝清潔阿嬸會叫醒佢既…..
|
鍾意就快D Share啦！
|
|
|
