圖片來源：維基百科
大家一齊嚟睇下呢個性別分布圖，藍色嘅位置代表女多男少嘅國家，而紅色就相反，係男多女少嘅。雖然我哋親愛嘅祖國一大片淡紅色，但其實我哋香港仲係處於女多男少嘅情況架。不過始終都隔離飯特別香，好似我哋之前做嗰個小統計咁，有得揀嘅時候，多數讀者都係想娶個外籍老婆多過香港嘅女仔。
撰文：JOEY
今次想同大家介紹嘅就係同樣女多男少嘅國家女性，就係喺正俄羅斯隔離嘅烏克蘭佳麗嘞！
值得一提嘅係，烏克蘭同俄羅斯、白俄羅斯三位隔離鄰舍同屬東斯拉夫人，除咗大家都係戰鬥民族，仲有兩個共通點就係大家嘅國家都係女多男少，同埋呢度嘅女士大都擁有天使面孔、魔鬼身材兼長腿，真係睇到男士們心癢癢呀！仲有人話，娶到一個東斯拉夫女仔做老婆，係人面前一定贏哂Tempo咁話喎。
圖片來源：www.nordbride.com
不過正正因為女多男少，加上近年政局不穩，所以烏克蘭嘅女仔都係傾向外嫁他鄉。同俄羅斯唔同，烏克蘭女仔就比較鐘意嫁去歐美嘅。
不過又唔代表亞洲男士無哂機會，喺台灣就有專注於協助男士認識烏國美女嘅婚姻仲介，只要你畀得起約80萬台幣（即約19萬港元）嘅中介費，連埋你嘅照片同履歷等資料，就會送你去烏國8至10日，慢慢同逐個烏克蘭美女一對一咁相睇。
一般而言，求愛者係呢咁多日嘅旅程入面都會同到10至12個烏克蘭女仔會面，有人就成功係13個佳麗入面揀到個同佢情投意合嘅烏克蘭美女，仲帶埋佢返屋企相宿相棲添！
烏克蘭女仔樣靚身材正唔在講，近年亦愈來愈多烏國美女登上國際性超模舞台，加上烏國女性平均都擁有高學歷，嫁得出去分分鐘已經係當地有穩健事業，所以佢哋相當清楚自己喺國際市場上嘅定位。
圖片來源：www.nordbride.com
喺度溫馨提示各位有意同烏國美女相睇嘅男士，19萬港元只係入場費，要娶到頂級嘅烏國美女就要預返一倍甚至以上嘅費用喇！
同埋對於烏克蘭女人而言，佢哋覺得嫁去亞洲會令佢哋享受到更多嘅物質生活，加上烏克蘭女士喺亞洲地區搵工確實有難度，未必可以幫輕丈夫嘅經濟負擔，所以男士們想娶個烏克蘭美女之前，都最好預返咁上下嘅金錢去滿足佢哋嘅生活需要、甚至額外嘅物慾呀！
|
鍾意就快D Share啦！
|
|
|
