今朝屯公大塞車，西鐵又壞埋！你叫住屯門、天水圍、元朗d打工仔，點返工？價又照加，返工仲要人趕頭趕命。但你以為佢地係最慘咩？唔係。
沒有最慘，只有更慘，就係住新西，仲要住村果堆人！
潮文哥喺元朗住村，每次「出城」都要先坐小巴去西鐵站，而搭小巴係同撞鬼一樣，要講緣份，你唔搭果陣就有，你趕時間果陣就冇。
今朝成個屯門元朗都塞車，等咗半個鐘都冇小巴，我心知不妙，就打電話叫的士，call幾個台都冇車，連之前我放過人飛機、call完又上咗街車嘅台，我都心虛地call埋，得到嘅回覆都係：
哪有車！你老味！
正當大家喺facebook嘈緊西鐵壞嘅時候，我…連西鐵站…個牌都未望到…（那年18.JPG）
當我諗住搭的士唔搭小巴果陣，緣份就嚟，可能我未瞓醒，離遠見到架貓巴士咁嘅樣嘅車，當堂嚇一跳！小巴出沒注意！
但原來，最絕望唔係你唔搭果陣就有，而係你唔搭果陣，都冇。架小巴冇停低，因為滿座！
哪有位！你老味！
好啦，呢個時候阿叔唯有出殺手鐧！再打去call的士：「喂我係王小姐，我自己一個搭車，去大欖照標收，再加30蚊」無錯，阿叔就係扮女人聲，人急智生，吹咩。呢招係跟打去手機公司果位仁兄學嘅。
結果，我終於得到一架去大欖嘅的士，再轉968去銅鑼灣。
做新界人，千辛萬苦返到工，只係一日嘅開始。收工，又要踏上這無盡～～～～旅途。
插曲：
上到的士，司機大佬問：「乜頭先唔係有位小姐call車咩？」小姐？哈！
哪有女！ 你老味！
來源 source: http://ww.circle01.com
|
鍾意就快D Share啦！
|
|
|
