《太陽的後裔》穿崩位逐個捉
韓國神劇《太陽的後裔》在亞洲多地熱爆，收視早已超越《來自星星的你》，連帶一對主角宋仲基及宋慧喬都人氣勁爆！日前劇集播出大結局，睇到各位女士如癡如醉，同男士們睇高比拜仁告別戰情況雷同。不過韓仔製作出品專業又認真，但依然有眼利觀眾雞蛋裏面挑骨頭，發現《太陽的後裔》其實一樣有唔少穿崩位，即刻睇睇！
(一) 舉完槍又放低？
劉時鎮和徐大英休假時遇上想逃走的小偷，兩人作為軍人當然要伸張正義出手。本來兩人好有型咁用玩具槍瞄準小偷，但下一個遠鏡頭就見到兩人雙手垂低、並無動作；而接下來的近鏡頭佢哋又變番瞄準姿勢。
(二) 人工呼吸唔合格？
劉時鎮幫姜暮煙做人工呼吸時，冇捏住對方個鼻，而心外壓時位置又太高，肯定會被醫務人員插爆！但如果咁專業按啱位，恐怕會被喬妹鬧爆。
(三) 手機離奇失蹤？
姜暮煙駕車時發生意外，架車卡在懸崖邊快要跌落海時，於是佢拎出手機邊喊邊錄低「遺言」俾媽媽，但原本拎在手中的手機下一個鏡頭就消失了。
(四) X光片反轉睇？
劇情講述劉時鎮被派往海外執行任務，故姜暮煙只好望住佢張X光片睹物思人，但就有觀眾發現張X 光片原來調轉咗！但就有醫生指出呢幕係劇組刻意安排，帶出劉時鎮有「器官反轉症」？
(五) 字跡唔一樣嘅？
劉時鎮和徐大英捉到小偷後，劉時鎮隨即替對方進行急救，並在對方手上寫下其受傷情況，以便醫生診治。其後小偷被送到醫院，由姜暮煙接手救治。不過對比之下，姜暮煙見到的字跡跟劉時鎮寫下的明顯唔一樣。韓國朋友真係眼利！
(六) 唔開蓋都化到妝？
劉時鎮約姜暮煙喺醫院見面，姜暮煙當然要以最佳一面示人，所以在電梯入面對住塊鏡補妝，但有觀眾佢個化妝品個蓋原來係冇打開！因為女士們都應該知道，BB Cushion的粉撲同Cushion中間係有個蓋隔住，要打開先用到。
(七) 劉大尉有第三隻手？
劉時鎮同姜暮煙在烏魯克重逢，不過氣氛尷尬，於是劉時鎮就話姜暮煙腳邊地雷，打算開個玩笑緩和氣氛。點知兩人推撞期間齊齊失足倒地，之後就係老套到震、女主角瞓喺男主角身上的場景。不過觀眾發現一開始倒地後，劉時鎮隻右手係墊喺頭下，但下一個遠鏡竟變成佢雙手攬住姜暮煙，不過之後近鏡時又變番一開始咁。
(八) 木板向左走向右走？
劉時鎮與姜暮煙誤闖地雷區，一步一步慢慢離開後，劉時鎮向姜暮煙借唇膏，並在木板上面寫下「危險勿進」的字眼。不過一開始木板長的一邊在右邊，但下一秒已經變成在左邊。
|
鍾意就快D Share啦！
|
|
|
