56歲嘅毛舜筠睇上去咁多年來個樣都無點變，30年來美顏零變化。唔知大家依家仲有冇睇TVB最新處境劇《愛·回家之八時入席》呢？有毛舜筠同陳國邦回巢幫手，收視最高有30點，除咗收視OK之外，毛舜筠睇上去咁多年來個樣都無點變，甚至可以話系逆齡生長添，真系越嚟越有女人味，完全睇唔出佢今年已經56歲。咁又啱嘅，毛舜筠由出道到依家都系咁，冇咩點變。
毛舜筠出身喺亞洲電視嘅前身麗的電視，不過就喺佳藝電視拍《紅樓夢》做林黛玉而為人認悉，當時毛姐個樣都幾標緻，好有依家啲文青feel，當年佢只得18歲。
1981年，毛舜筠正式喺TVB電視亮相，你依家凌晨睇緊果套《鹿鼎記》，毛舜筠都有份參與一角做沐劍屏，同同劇女演員劉嘉玲相比都不相伯仲，大家都系擁有白滑嘅肌膚，幾吸引人眼球。
毛舜筠喺八十年代尾開始嶄露頭角，喺好多劇集都開始擔任主角，其中《他來自江湖》就令毛舜筠聲名大噪，亦都系喺呢個時候，佢開始以喜劇作為演出嘅定位。毛姐開始有演藝經歷，少咗一種少女味，但添加多咗女人味。
1991年，毛舜筠開始轉攻電影市場，同周星馳一齊拍嘅《情聖》得到好多讚賞，誇張啲話佢當時風頭仲勁過周星馳。
1992年拍攝《家有喜事》果陣，同張國榮再度重逢，好早之前佢哋兩個曾經短暫交往，不過無疾而終，今次重逢，之後二人就成為知心好友。直至去到1995年，毛舜筠因移民同再婚而淡出影壇。
2003年，毛舜筠復出拍電影，已為人母嘅毛姐都系以一頭短髮示人，繼續拍喜劇。去到2006年，毛姐憑《早熟》榮獲香港電影金像獎最佳女配角，當時好多人都被佢嘅演技所感動。
2008年，再回歸TVB拍處境劇《畢打自己人》同《天天天晴》，果陣時已經50歲，但睇落又唔似，只不過望落好似有福氣咗，塊面較飽滿。
6年之後，再拍處境劇，56歲嘅毛姐仲有心有力，唔知系咪有食開啲健康產品嘅關係，再加埋跳舞，身材都冇咩走樣，真系越老變得越靚喎！
56歲毛舜筠！30年來美顏零變化！
|
鍾意就快D Share啦！
|
|
|
