其實賤格分兩種，一種係內在賤格，表面完全睇唔出嚟；
另一種就係表里如一，即係入型入格，呢種人由外而內、
一言一行都充滿住賤格feel，幾大特質，一齊睇下：
1.死都唔認錯
面對其他人嘅指責，死都唔會低頭認錯，就算自己覺得理虧，口入邊實唔會認低威，最常聽嘅藉口係「你又唔係我，無資格講我」。成日會搵到方法開脫，總之千錯萬錯，都係人哋嘅錯。
2.重複犯錯
另一種，唔會吸取教訓，即使佢肯認錯，亦不過一時，呢種人可以為咗博同情而認錯，但係卻唔係誠心悔改，一有機會或者事過境遷，又會重複再犯，總之佢哋嘅心入邊已經種低「賤」嘅基因。
3.極力還擊
佢係賤，但係佢又唔俾人話佢「賤」，基於佢哋唔覺得錯喺自己嘅心理，一聽到其他人話佢，就會好嬲，好似係全世界都誤會咗佢，而佢哋反擊嘅方法唔係同你講道理，而係同你嗌交，因為講道理，佢哋一定輸。
4.賤到有樣睇
雖然成日話唔可以以貌取人，不過賤格嘅人真係有樣睇，留意佢哋嘅神情、語氣、身體語言，最常見嘅「郁身郁勢」，講嘢果陣口齒不清，又唔敢望住人哋，神情閃縮，眼神多變，零舍唔正經，心懷不軌，呢種就係玄學家所謂嘅「心術不正」。
來源 source: http://ww.circle01.com
|
鍾意就快D Share啦！
|
|
|
