我男朋友23歲，月入二萬，每個月要擺錢去股票戶口呀養車呀保險呀家用呀食飯呀，咁就冇左一半人工。股票戶口有三十萬左右(其實我都唔肯定)。
1. 事情經過
佢係應承左我會買相機、手機、銀包，同個袋俾我。全部都唔係我要求既。本來話一出iphone6s就會買俾我，但係之前佢個frd黎左搵佢，又要同我慶祝生日，又要送禮物俾我呀媽，所以洗多左。其實我都冇乜過問佢啲錢洗去島，又唔係一齊左好耐，差唔多半年。依家我男朋友就話要還卡數，要遲一個月左右先買到俾我。我其實冇乜所謂，雖然我部電話係爛，不過都用得。其實我屋企唔係冇錢買俾我，不過我覺得如果係男朋友送既會好sweet，而且佢的確應承左。
仲有，之前有一次我男朋友既父母請我去佢地屋企食飯，我應承左，我媽咪都話ok我去。到左要食飯果日，媽咪發脾氣叫我唔好去，話要坐好耐車，又話咁係「送上門」。媽咪話我成日去人地屋企俾人「任攬任嘴」。我同我男朋友講左我媽咪發脾氣，我男朋友就叫我唔好去喇，陪下媽咪。不過我知道我男朋友當時有啲唔開心。
仲有一次係我男朋友話送野俾我，但唔係我身邊，要我出住先，有錢就會俾番我，一共$1200。我之前都有問過幾次幾時還，佢話有多餘錢就會俾翻我。不過後尾聽人講，加上自己諗諗下，覺得就算我男朋友唔還都冇問題，橫掂啲野都係送俾我。
2. 媽媽的想法
問題黎喇，我呀媽就話佢令我捱窮，講到就喊咁，好激動。又係我男朋友面前話：「要買的話，我anytime都買到俾我個女」。跟住仲係後面話佢冇錢扮有錢，因為我男朋友講過話如果佢失業兩個月都唔會餓死。媽咪仲唔止一次話如果我同我男朋友結婚，會唔認依個女。我同媽咪講我男朋友都有送野俾你，媽咪即刻話要還番$1800俾佢，目的係要落我男朋友面咁話喎。媽咪仲提起我之前識既一個富二代，話中意個男仔係因為唔洗我捱窮。(果個富二代都靠老豆，而且我唔中意佢，有咩咁好呢？)
3. 我的想法
其實我男朋友都送左差唔多$3500既既俾我媽咪(請食飯果啲錢就唔計喇，因為有時佢都會黎我屋企食飯)。送禮物其實係一分心意，收到昂貴既禮物當然開心，但係平既係咪就係垃圾呢？我男朋友送左唔少野俾我，每個月至少都有一份禮物，有買既，都有自製既。一個有男仔肯花心機摺紙、整蛋糕俾我，真係好sweet。而且，我地平時出去食飯睇戲，都係我男朋友俾錢。最近佢都會提議食好少少，例如據扒、高級壽司。我知佢冇乜錢我就會話唔好去啦，慳錢。我知佢就算冇乜錢都想俾我開心下，但係我唔一定要食高級野先開心，自己煮下飯、食下車仔麵都得架姐。之前佢有多啲錢既時候，我的確係收到啲貴野、食過好多好野。我可以共富貴，點解唔可以共患難？而且我覺得男朋友都冇令我捱苦。
仲有，點解可以講到去食餐飯都可以講到好蝕底咁？情侶之間有親密行為我覺得冇問題。我係處，我一開始就同我男朋友講明唔會做 愛，我男朋友都好尊重我，一次都冇要求過，我曾經試過問佢要唔要，佢都話唔洗。所以我覺得媽咪唔俾我去同人地屋企人食飯既理由係有啲無里頭。
利申：20歲
我番學都有壓力，我媽咪就動不動就話我男朋友點點點，一有咩唔中意就鬧我。咁搞到我好唔開心。我媽咪口口聲聲話唔樣因為外人搞到我地嗌交，但係次次都要撩交嗌。我應該點做？
|
鍾意就快D Share啦！
|
|
|
