我叫阿D，今年38歲，我無車無樓，樣又唔係特別靚仔，無不良嗜好，唔煙唔酒唔賭唔嫖。屋企人又唔會點理我，所以我一個人租左一間好細既屋度住。我做既係啲基層工，係中學一讀完書就開始做呢份工，一做就做到而家。我收入唔係好多，返工又好長時間，朝早6點就起身開工一路返到夜晚，工作環境好難識到女仔。
人都三十幾喇，一次拖都無拍過，感情傷不起，唔可以浪費時間，想搵個伴陪下自己。我既擇偶條件好簡單，就係想有個女仔肯同我一齊捱，一齊過生活。
家陣啲人成日話要了解對方，我覺得唔需要，世界無兩個完全相似既人，相處間都係在於遷就、忍讓，就算係兩個好唔同既人都可以生活到，我係咁諗既。
我想有一段平淡而長久既愛情。我覺得而家果種速食愛情太過快喇，而家啲後生拍拍下拖就分手，我唔係咁睇。我認為呢個世界仲係有人追求長久既愛情。其實好簡單，我好少會出街，鐘意留係屋企煮下飯，碌下菜又一餐既簡單生活。第時結到婚，就同老婆仔女一齊生活咁樣。
我都知而家啲女人一定要求個男人要有車有樓先會一齊，我就咁睇，同我一齊，全部嘅野各自俾，食飯AA，總之雙方都要有付出，唔可以一邊俾曬，話說我真係好認同AA制架，夠曬公平。
好喇，到個女仔願意同我結婚，我就會肯用錢係佢身上，點解咁講呀？我識個女仔返嚟，用咁多錢係佢度，萬一佢分手走左佬我咪連錢都蝕埋？咁結左婚之後，我就可以用錢係佢身上，因為佢係我老婆呀嘛。我可以放心俾最好既野佢呀嘛，你地話岩唔岩先？
總之唔洗了解，只要雙方一同意，就會一齊，而且一世都係咁，唔分開，大家互相扶持就係我既理想中既愛情。唔好突然分手，感情傷不起呀。
櫻雪FB PAGE：https://www.facebook.com/sakurayukihk
IG: sakurayukihk
來源 source: http://ww.circle01.com
|
鍾意就快D Share啦！
|
|
|
