每個人都有自己的「地雷」，一旦被人踩中，後果一發不可收拾。有女網民發脾氣將男朋友的色士風擲落地裂了，男友一怒下要與她分手，並要求她三日內搬走。
設計圖片
女網民Botswana日前在討論區大吐苦水兼求救，指一直想男友買車，但男友卻想慳錢不買，星期一晚兩人再因買車問題吵架。期間男友說：「你咁想要車，咪同第二個男仔一齊。」
她聽後嬲到爆，激動下將男友的色士風擲落地下發洩。男友頓時目瞪口呆看著她，再看看裂了的色士風，然後哭起來。野蠻女友心知不妙，馬上道歉：「對唔住！最多賠番比你！」
設計圖片
豈料怒火中燒的男友立即提出分手。「呢支色士風係無價，係老豆生前送俾我，用咗10年，中學已經用，同佢經歷過好多考試同比賽，好有感情，點可以咁對我枝saxophone(色士風)？我俾三日時間你搬番啲野走。」
聽罷晴天霹靂的野蠻女友，萬萬想不到一支色士風就令兩人關係破裂，整晚求男友原諒，但男友一直不加理睬、默不作聲。男友限野蠻女友星期四晚前要搬走，她打算「到時賴死唔走，希望可以挽留佢，佢應該唔會咁衰趕走我。」
設計圖片
「大限」將至，野蠻女友今早在論區留言指「雖然買唔番佢個款saxophone，但我都準備自己岀錢買番接近個款俾佢，希望今晚可以打動佢嘅心」。
雖然野蠻女友去留未有著落，佢其帖文卻引來一眾巴打絲打毫不留情面狂駡，「臭檔到咁實在極品」、「係我都會分手，鬼知你下次會扔乜」、「男友做得最錯就係同你拍拖，做得最啱就係同你分手」、「如果係我就唔會要你三日執野走啦...直接落街買箱入哂你既野call車送你走」等。
不過，亦有網民好言相勸，「無論如何，經一事長一智，當係一次成長經歷，下次拍拖可以發脾氣，但要適合而止」。
|
鍾意就快D Share啦！
|
|
|
