資深演員李兆基，在影圈中多飾演惡人而為人認識，與黃光亮、成奎安、何家駒並列為「香港影圈四大惡人」。惟他近年淡出影圈，加上兩度中風而激瘦，有報道指基哥今日因肝癌擴散致肺部，經搶救後無效在伊利沙伯醫院病逝，終年69歲。
基哥好友陳慎芝今日接受電話訪問說：「係，今日走咗，由肝癌擴散到去肺部。」陳慎芝透露基哥在一星期前入院，離開時家人如太太、姊姊、弟弟都在場陪伴。陳慎芝續說：「我去探過佢兩次，一直昏迷，都知今次唔得。但我嗌佢都有開眼望一望我，我都同佢講：『要走就係要走，返唔到轉頭，就唔好咁辛苦。』咁起碼佢呢40年都係一個好人，唔再係道友、唔係壞人。」他稱基哥近年已加入教會，但未有正式受洗，暫時未知其家人決定會用甚麼儀式舉殯。今年2月發現基哥與女伴入紙註冊結婚，陳慎芝當時受訪承認為基哥安排結婚，又透露基哥身體狀況：「頭腦清醒，但身體好弱。」
演藝人協會主席古天樂今日接受查詢，他回覆：「兩天前已收到華哥（陳慎芝）電話知道佢情況好差，已經有心理準備，我會同佢家人保持聯絡看他們有乜需要，我會盡力提供一切幫助，希望基哥一路好走！」![]()
李兆基加入娛樂圈前曾是童黨「慈雲山十三太保」成員，曾有吸毒紀錄，後來戒毒成功，重投社會。加入娛樂圈後多演惡人，包括《慈雲山十三太保》、《古惑仔》系列、《黑獄斷腸歌之砌生豬肉》、《紅燈區》、《至尊三十六計之偷天換日》、《食神》、《喜劇之王》及《奪命金》等。
來源 source: http://lam777.com
|
鍾意就快D Share啦！
|
|
|
